തൃശൂർ: ബിജെപി പ്രവർത്തകൻ അടക്കമുള്ള കള്ളനോട്ട് സംഘം പിടിയിൽ. കൊടുങ്ങല്ലൂർ സ്വദേശികളായ ജിത്തു, രാകേഷ്, രാജീവ് എന്നീ സഹോദരങ്ങളാണ് പിടിയിലായത്. ജിത്തു ബിജെപി പ്രവർത്തകനാണ്. പ്രതികൾ മുമ്പും കള്ളനോട്ട് കേസിൽ പിടിയിലായിട്ടുണ്ട്.
ഒരുകോടി അറുപത്തയ്യായിരം രൂപയുടെ കള്ളനോട്ടാണ് പ്രതികളിൽ നിന്നും പിടിച്ചെടുത്തത്. ബൈക്കിൽ നിന്നും വീണ ജിത്തു ആശുപത്രിയിൽ ചികിത്സ തേടിയപ്പോഴാണ് കള്ളനോട്ട് പിടികൂടിയത്.
ആശുപത്രിയിൽ ബില്ലടച്ചത് ഒരു ലക്ഷതി ഇരുപത്തായ്യായിരം രൂപയാണ്. ഇത് പിന്നീട് പരിശോധിച്ചപ്പോഴാണ് കള്ളനോട്ടാണെന്ന് തിരിച്ചറിഞ്ഞത്. ആശുപത്രി നൽകിയ പരാതിയിൽ പോലീസ് കേസെടുക്കുകയായിരുന്നു.
പോലീസ് നടത്തിയ അന്വേഷണത്തിൽ ഇതര സംസ്ഥാനത്തു നിന്നാണ് നോട്ട് അച്ചടിച്ചതെന്ന് കണ്ടെത്തി. പ്രതികളെ പാർട്ടിയിൽ നിന്നും പുറത്താക്കിയിരുന്നുവെന്നാണ് ബിജെപിയുടെ വാദം.
