മോസ്കോ
നാവികസേനയുടെ 325––ാം വാര്ഷികത്തോട് അനുബന്ധിച്ച് വിവിധ മേഖലയില് നാവികാഭ്യാസം നടത്തി റഷ്യ. ഇന്ത്യ, ഇറാന്, പാകിസ്ഥാന് എന്നീ രാജ്യങ്ങളുടേതുള്പ്പെടെയുള്ള 50 കപ്പൽ അണിനിരത്തി സെന്റ്പീറ്റേഴ്സ് ബര്ഗില് നടന്ന പ്രധാന പരേഡില് പ്രസിഡന്റ് വ്ലാഡിമിര് പുടിന് പങ്കെടുത്തു.
റഷ്യൻ നാവികത്താവളങ്ങളായ സെവെറോമോർസ്ക്, കാസ്പിസ്ക്, ബാൾട്ടിസ്ക്, സെവാസ്റ്റോപോൾ, വ്ലാഡിവോസ്റ്റോക്ക് എന്നിവിടങ്ങളിലും സിറിയയിലെയും ടാർട്ടസിലെയും റഷ്യൻ നാവികത്താവളങ്ങളിലും പരേഡ് നടന്നു.
