ന്യൂഡൽഹി: കേരളത്തിലെ പെരുനാൾ ഇളവ് സംബന്ധിച്ച ഹർജിയിൽ സുപീംകോടതിയിൽ മറുപടി സമർപ്പിച്ച് സർക്കാർ. ഇളവുകൾ നൽകിയത് വിദഗ്ദരുമായി കൂടിയാലോചിച്ച ശേഷമാണ്. ചില മേഖലയിൽ മാത്രമാണ് കടകൾ തുറക്കാൻ അനുമതി നൽകിയത്. ടിപിആർ കുറച്ചുകൊണ്ടുവരാൻ കേരളം ശ്രമം നടത്തുകയാണെന്നും സർക്കാർ കോടതിയെ അറിയിച്ചു.
ലോക്ക് ഡൗൺ അനന്തമായി നീട്ടിക്കൊണ്ടു പോകാൻ കഴിയില്ലെന്നും കേരളം വ്യക്തമാക്കിയിട്ടുണ്ട്. നിയന്ത്രണവും സാമ്പത്തിക മാന്ദ്യവും ജനജീവിതത്തെ ബാധിച്ചു തുടങ്ങിയിട്ടുണ്ട്. പ്രതിപക്ഷ പാര്ട്ടികൾക്കൂടി ആവശ്യപ്പെട്ടിട്ടാണ് ബക്രീദിന് ഇളവ് നൽകിയതെന്നും ചീഫ് സെക്രട്ടറി വിപി ജോയ് സുപ്രീംകോടതിയിൽ സമര്പ്പിച്ച സത്യവാങ്മൂലത്തിൽ പറയുന്നു.
കടുത്ത നിയന്ത്രണങ്ങൾ നടപ്പാക്കിയതുകൊണ്ട് രോഗവ്യാപനം കുറയില്ലെന്ന് ഐഎംഎ അറിയിച്ചിട്ടുണ്ട്. രോഗവ്യാപനം കൂടുതലുള്ള പ്രദേശങ്ങളിൽ പ്രത്യേക പ്രതിരോധ മാര്ഗങ്ങൾ നടപ്പാക്കിയിട്ടുണ്ടെന്നും കേരളം അറിയിച്ചു.
ബക്രീദിന് മൂന്ന് ദിവസത്തെ ഇളവ് നൽകിയത് റദ്ദാക്കണമെന്നാവശ്യപ്പെട്ട് ഡൽഹി മലയാളി പികെഡി നമ്പ്യാര് സമര്പ്പിച്ച ഹര്ജിയിലാണ് കേരളം മറുപടി നൽകിയത്. സത്യവാങ്മൂലം ചൊവ്വാഴ്ച പരിഗണിക്കും.
