എഡ്ജ്ബാസ്റ്റൺ
പാകിസ്ഥാനെതിരായ മൂന്നാം ഏകദിനത്തിൽ ഇംഗ്ലണ്ടിന് മൂന്ന് വിക്കറ്റ് ജയം. 95 പന്തിൽ 102 റണ്ണെടുത്ത ജയിംസ് വിൻസിയാണ് ഇംഗ്ലണ്ടിന്റെ വിജയശിൽപ്പി. ഇതോടെ പരമ്പര ഇംഗ്ലണ്ട് 3–-0ന് സ്വന്തമാക്കി. കോവിഡ് കാരണം പുതുമുഖങ്ങൾ ഉൾപ്പെട്ട ടീമുമായാണ് പരമ്പരയിൽ ഇംഗ്ലണ്ട് കളിക്കാനിറങ്ങിയത്.
ആദ്യം ബാറ്റ് ചെയ്ത പാകിസ്ഥാൻ 9–-331 റണ്ണടിച്ചെങ്കിലും കാര്യമുണ്ടായില്ല. രണ്ടോവർ ശേഷിക്കെ ഇംഗ്ലണ്ട് ജയിച്ചു. 77 റണ്ണെടുത്ത ലൂയിസ് ഗ്രിഗറി വിൻസിക്ക് നല്ല പിന്തുണ നൽകി.പാകിസ്ഥാൻ നിരയിൽ ക്യാപ്റ്റൻ ബാബർ അസം 158 റണ്ണടിച്ചു. മുഹമ്മദ് റിസ്വാൻ 74 റണ്ണും നേടി.
