ലണ്ടൻ
രണ്ടാം ടെസ്റ്റ് ലോകകപ്പിന് ആഗസ്തിൽ തുടക്കം. ഇന്ത്യയും ഇംഗ്ലണ്ടും തമ്മിലുള്ള പരമ്പരയാണ് ആദ്യം. ആഗസ്ത് നാലിനാണ് പരമ്പരയ്ക്ക് തുടക്കം. 2023 വരെയാണ് ചാമ്പ്യൻഷിപ്. മാർച്ച് 31ന് അവസാനിക്കും. കഴിഞ്ഞ ലോകകപ്പിൽ ഇന്ത്യയെ തോൽപ്പിച്ച് ന്യൂസിലൻഡ് കിരീടം നേടി.
ഇന്ത്യക്ക് ഇംഗ്ലണ്ടിനെതിരെ അവരുടെ തട്ടകത്തിലാണ് പരമ്പര. ബംഗ്ലാദേശ്, ദക്ഷിണാഫ്രിക്ക ടീമുകൾക്കെതിരെയും എതിർത്തട്ടക പരമ്പരകളാണ്.ശ്രീലങ്ക, ന്യൂസിലൻഡ്, ഓസ്ട്രേലിയ എന്നിവയുമായി ഇന്ത്യൻ ടീം സ്വന്തം തട്ടകത്തിൽ കളിക്കും. പോയിന്റ് രീതിയിലും മാറ്റമുണ്ട്. ഓരോ ജയത്തിനും 12 വീതം പോയിന്റാണ് നൽകുക. സമനിലയ്ക്ക് നാലും ‘ടൈ’ ആയാൽ ആറും പോയിന്റാണ്. ആകെ പോയിന്റിന്റെ ശതമാന കണക്കിലായിരിക്കും പട്ടികയിൽ ടീമുകളുടെ സ്ഥാനം.
