വിവിധ സര്ക്കാര് വെബ്സൈറ്റിലൂടെ ഫലം ലഭ്യമാകും. ഈ വര്ഷം നാലര ലക്ഷത്തോളം കുട്ടികളാണ് പരീക്ഷയെഴുതി ഫലം കാത്തിരിക്കുന്നത്. 4,22,226 വിദ്യാർത്ഥികൾ പരീക്ഷയെഴുതി. ഇതിൽ 419651 പേർ ഉന്നതവിദ്യാഭ്യാസത്തിന് യോഗ്യത നേടി.
കഴിഞ്ഞ വർഷം 98.82 % വിജയമാണ് ഉണ്ടായത്. കഴിഞ്ഞ വര്ഷത്തേക്കാള് 0.65 ശതമാനം വർധനവാണ് ഈ വർഷമുണ്ടായിരിക്കുന്നത്.
ഇതാദ്യമായാണ് എസ്എസ്എൽസി ഫലം 99 ശതമാനം കടക്കുന്നത്.
എല്ലാ വിഷയത്തിനും എ പ്ലസ് കിട്ടിയവരുടെ എണ്ണത്തിലും വൻ വര്ദ്ധനവ്. 1,21,318 വിദ്യാര്ത്ഥികള്ക്കും എല്ലാ വിഷയങ്ങള്ക്കും എ പ്ലസ്. കഴിഞ്ഞ വര്ഷം ഫുള് എ പ്ലസ് നേടിയത് 41,906. നൂറു ശതമാനം വിജയം ഉള്ളത് 2214 സ്കൂളുകള്ക്ക്. സേ പരീക്ഷാ തീയതി പിന്നീട്.
12,791 അധ്യാപകരാണ് മൂല്യനിർണയത്തിന് നേതൃത്വം നൽകിയത് എന്ന് മന്ത്രി പറഞ്ഞു. മൂന്ന് മണി മുതൽ വെബ് സൈറ്റിലൂടെ ഫലം ലഭിക്കുമെന്നും മന്ത്രി അറിയിച്ചു.
വിജയശതമാനം ഏറ്റവും കൂടുതലുള്ള റവന്യൂ ജില്ല കണ്ണൂർ. വിജയശതമാനം ഏറ്റവും കൂറവുള്ള റവന്യൂ ജില്ല വയനാട് ജില്ല. വിജയശതമാനം ഏറ്റവും കൂടുതലുള്ള വിദ്യാഭ്യാസ ജില്ല പാലാ.
കൊവിഡ് വ്യാപനത്തിനിടെ നടക്കുന്ന രണ്ടാമത്തെ പരീക്ഷ ഫലമാണിത്തവണത്തേത്. കൊവിഡിനെ തുടര്ന്ന് രണ്ട് ഘട്ടങ്ങളായി പരീക്ഷ പൂര്ത്തിയാക്കിയത്. സ്കൂളുകളില് നേരിട്ട് ക്ലാസുകള് ഇല്ലാതെ രണ്ടാമത്തെ തുടര്ച്ചയായ അധ്യയേന വര്ഷമാണിത്.
കൊവിഡ് – 19 നമ്മുടെ സ്വാഭാവികതകളെയെല്ലാം മാറ്റി മറിച്ചു. രോഗവാഹകർ മനുഷ്യർ തന്നെയായതിനാൽ നമുക്ക് ഒരുമിച്ച് ചേരാൻ കഴിയുന്നില്ല. കഴിഞ്ഞ വർഷം മുഴുവൻ സ്കൂളുകൾ അടച്ചിടേണ്ടി വന്നു. എങ്കിലും കുട്ടികളെ പഠനവഴിയിൽ നിലനിർത്താൻ സർക്കാർ ബദ്ധശ്രദ്ധരായിരുന്നുവെന്ന് ഫലപ്രഖ്യാപനത്തിന് മുൻപ് മന്ത്രി വി ശിവൻകുട്ടി ഫേസ്ബുക്കിൽ കുറിച്ചു.
ടിഎച്ച്എസ്എൽസി, ടിഎച്ച്എസ്എൽസി (ഹിയറിങ് ഇംപെയേഡ്), എസ്എസ്എൽസി (ഹിയറിങ് ഇംപെയേഡ്), എഎച്ച്എസ്എൽസി പരീക്ഷകളുടെ ഫലവും പ്രഖ്യാപിച്ചു. പരീക്ഷാബോർഡ് യോഗം ചേർന്ന് ഫലത്തിന് ഇന്നലെ അംഗീകാരം നൽകിയിരുന്നു. ഫലമറിയാന് പോർട്ടലും ആപ്പും ഒരുക്കിയിട്ടുണ്ട്.
http://keralapareekshabhavan.in, https://sslcexam.kerala.gov.in, www.results.kite.kerala.gov.in, www.prd.kerala.gov.in, www.result.kerala.gov.in, examresults.kerala.gov.in, http://results.kerala.nic.in, www.sietkerala.gov.in എന്നീ വെബ്സൈറ്റുകളിലാണ് എസ്എസ്എൽസി ഫലം ലഭ്യമാകുക.
താഴെ പറയുന്ന ലിങ്കുകളിൽ മറ്റു പരീക്ഷകളുടെ ഫലങ്ങളും ലഭിക്കും.
http://sslchiexam.kerala.gov.in – എസ്എസ്എൽസി (എച്ച്ഐ)
http://thslchiexam.kerala.gov.in – ടിഎച്ച്എസ്എൽസി , ടിഎച്ച് എസ്എൽസി (എച്ച്ഐ)
http://ahslcexam.kerala.gov.in – എഎച്ച്എസ്എൽസി
