വിദ്യാർഥിനിക്ക് ലൈംഗികച്ചുവയുള്ള സന്ദേശം; കാലിക്കറ്റ് സർവകലാശാല അധ്യാപകന് സസ്പെൻഷൻ

കോഴിക്കോട്: വിദ്യാർഥിനിക്ക് ലൈംഗികച്ചുവയുള്ള സന്ദേശങ്ങൾ അയച്ചെന്ന പരാതിയിൽ അധ്യാപകന് സസ്പെൻഷൻ. കാലിക്കറ്റ് സർവകലാശാല ഇംഗ്ലിഷ് പഠന വകുപ്പിലെ വിദ്യാർഥിയോട് മോശമായി പെരുമാറിയെന്ന പരാതിയിൽ അധ്യാപകൻ ഹാരിസിനെയാണ് സസ്പെൻഡ് ചെയ്തതെന്ന് മലയാള മനോരമയാണ് റിപ്പോർട്ട് ചെയ്തത്.

സംഭവവുമായി ബന്ധപ്പെട്ട് സർവകലാശാല റജിസ്ട്രാർ പോലീസിലും പരാതി നൽകിയിട്ടുണ്ട്. അധ്യാപകൻ ലൈംഗികച്ചുവയോടെ സന്ദേശങ്ങൾ അയച്ചെന്ന് തെളിവ് സഹിതമാണ് വിദ്യാർഥിനി പരാതി നൽകിയത്. നിലവിൽ ഒരു വിദ്യാർഥിനിയാണ് പരാതി നൽകിയതെങ്കിലും അധ്യാപകനെതിരെ കൂടുതൽപേർ രംഗത്തെത്തിയിട്ടുണ്ടെന്നാണ് റിപ്പോർട്ട്.

Also Read :
അധ്യാപകനായ ഹാരിസിനെതിരെ വൈസ് ചാൻസലർക്കും വകുപ്പ് തലവനുമാണ് വിദ്യാർഥി പരാതി നൽകിയത്. തുടർന്ന് ഇത് ഇന്‍റേണൽ കംപ്ലെയന്‍റ് സെല്ലിന് കൈമാറുകയായിരുന്നു. ഇവരുടെ നിർദേശപ്രകാരമാണ് അധ്യാപകനെ സസ്പെൻഡ് ചെയ്യാൻ റജിസ്ട്രാർ തീരുമാനിച്ചത്.

Also Read :
വിദ്യാർഥിനികളെ മാനസികമായി അപമാനിക്കുന്ന രീതിയിലുള്ള സമീപനമാണ് കാലങ്ങളായി അധ്യാപകനിൽനിന്നു ഉള്ളതെന്നും പരാതിയിലുണ്ട്. പരാതിയുടെ അടിസ്ഥാനത്തിൽ തേഞ്ഞിപ്പലം പോലീസ് ഐപിസി 354, 354 ഡി വകുപ്പുകൾ പ്രകാരം കേസെടുത്ത് അന്വേഷണം ആരംഭിച്ചു.