ന്യൂഡല്ഹി> കാര് വൈദ്യുത പോസ്റ്റില് കൂട്ടിയിടിച്ചതിനെ തുടര്ന്നുണ്ടായ തീപിടിത്തത്തില് കാറിലുണ്ടായിരുന്ന രണ്ട് പേര് വെന്ത് മരിച്ചു. ഹരിയാനയിലെ ഗുഡ്ഗാവില് തിക്ലി റോഡില് ഇന്നലെ വൈകുന്നേരം അഞ്ചരയോടെയാണ് അപകടം.പ്രകൃതി വാതകത്തില് ഓടിയിരുന്ന കാര് അപകടത്തെത്തുടര്ന്ന് പൂര്ണ്ണമായി കത്തിനശിക്കുകയായിരുന്നു.
അപകടം നടന്ന് നിമിഷങ്ങള്ക്കുള്ളില് അഗ്നിശമനസേന സ്ഥലത്തെത്തിയെങ്കിലും രണ്ടുമണിക്കൂര് നീണ്ട പരിശ്രമത്തിന് ശേഷമാണ് തീയണയ്ക്കാന് സാധിച്ചത്. മേവത് സ്വദേശികളായ രണ്ട് യാത്രക്കാരും സംഭവസ്ഥലത്തുവെച്ച് തന്നെ മരിച്ചു.
