കൊച്ചി > ചാരിറ്റി യുട്യൂബർമാർ എന്തിനാണ് സ്വന്തം അക്കൗണ്ടിൽ പണം വാങ്ങുന്നതെന്ന് ഹൈക്കോടതി. പിരിച്ച പണം അധികമായതു സംബനധിച്ച് അടിപിടിപോലും ഉണ്ടാകുന്നു. ഇത്തരം പണപ്പിരിവിൽ സംസ്ഥാനത്തിന് കർശന നിയന്ത്രണം ഉണ്ടാകണമെന്നും കോടതി പറഞ്ഞു.
മലപ്പുറത്ത് അപൂർവ രോഗംബാധിച്ച കുട്ടിക്ക് സർക്കാർ സൗജന്യ ചികിത്സ നൽകണമെന്നാവശ്യപ്പെട്ട് പിതാവ് നൽകിയ ഹർജി പരിഗണിച്ചപ്പോഴാണ് കോടതി ഇക്കാര്യങ്ങൾ വ്യക്തമാക്കിയത്. സംസ്ഥാനത്ത് ആർക്കും എങ്ങനെയും പണം പിരിക്കാമെന്ന അവസ്ഥ പാടില്ല.
പണം നൽകുന്നവർ പറ്റിക്കപ്പെടാൻ പാടില്ലെന്നും ഹൈക്കോടതി അഭിപ്രായപ്പെട്ടു. ക്രൗഡ് ഫണ്ടിങിന് പണം എവിടെനിന്ന് വരുന്നു എന്ന് പരിശോധന വേണം. സംസ്ഥാന പൊലീസ് ഇതിൽ ഇടപെടണമെന്നും ജസ്റ്റിസ് പി ബി സുരേഷ് കുമാർ നിർദേശിച്ചു.
