കൊച്ചി > കെസിബിസി മീഡിയ അവാർഡുകൾ പ്രഖ്യാപിച്ചു. സന്തോഷ് ജോർജ് കുളങ്ങര (മാധ്യമം), പ്രൊഫ.എസ് ജോസഫ് (സാഹിത്യം), കമാൻഡർ അഭിലാഷ് ടോമി (യുവപ്രതിഭ ), ഡോ.പയസ് മലേക്കണ്ടത്തിൽ (ദാർശനികം) എന്നിവരാണ് അവാർഡ് ജേതാക്കൾ.
ഗുരുപൂജാ പുരസ്ക്കാരങ്ങൾ കെ ജി ജോർജ്ജ്, സി ഡോ. സി വീനിത, ആന്റണി പൂത്തൂർ ചാത്യാത്ത്, ടോമി ഈപ്പൻ, എന്നിവർക്കാണ് സമർപ്പിക്കുക. കെസിബിസി മീഡിയ കമീഷൻ ചെയർമാൻ ബിഷപ്പ് മാർ ജോസഫ് പാംബ്ലാനിയാണ് അവാർഡുകൾ പ്രഖ്യാപിച്ചത്. അവാർഡ് ദാനചടങ്ങിന്റെ തീയതി പിന്നീട് അറിയിക്കുമെന്ന് കെസിബിസി മീഡീയ കമീഷൻ സെക്രട്ടറി ഫാദർ ഏബ്രഹാം ഇരിമ്പിനിക്കൽ അറിയിച്ചു.
