ലണ്ടൻ
ലോക ഒന്നാംനമ്പർ താരം നൊവാക് ജോകോവിച്ച് വിംബിൾഡൺ ടെന്നീസിൽ പ്രീ ക്വാർട്ടറിൽ കടന്നു. അമേരിക്കൻ താരം ഡെനിസ് കുഡ്ലയെ 6–-4, 6–-3, 7–6 ന് തോൽപ്പിച്ചു. റഷ്യക്കാരൻ ആന്ദ്രേ റുബ്ലേവും ആദ്യ പതിനാറിൽ സ്ഥാനം പിടിച്ചു. വനിതകളിൽ 2017ലെ ചാമ്പ്യൻ ഗർബൈൻ മുഗുരസ പുറത്തായി. ടുണീഷ്യൻ താരം ഓനസ് ജബിയർ 5–-7, 6–-3, 6–-2ന് അട്ടിമറിച്ചു. പോളിഷ് താരം ഇഗ സ്വിയാടെക്, അരീന സബലെങ്ക (ബലാറസ്), കരോലിന പ്ലിസ്കോവ (ചെക്ക്), എലെന റിബാകിന (കസാഖ്സ്ഥാൻ), ലുഡ്മില്ല സാംസനോവ (റഷ്യ) എന്നിവരും പ്രീ ക്വാർട്ടറിൽ കടന്നു.
മിക്സഡ് ഡബിൾസിൽ ഇന്ത്യൻസഖ്യം സാനിയ മിർസ–-രോഹൻ ബൊപ്പണ്ണ രണ്ടാം റൗണ്ടിൽ കടന്നു. ഇന്ത്യൻ കൂട്ടുകെട്ട് രാംകുമാർ രാമനാഥൻ–-അങ്കിത റെയ്നയെ 6–-2, 7–-6ന് കീഴടക്കി.
