തിരുവനന്തപുരം: തിരുവനന്തപുരം: വിസ്മയ കേസിലെ പ്രതിയും മോട്ടോർ വാഹന വകുപ്പിലെ അസിസ്റ്റന്‍റ് മോട്ടോർ വെഹിക്കിൾ ഇൻസ്പെക്ടറുമായ കിരൺകുമാറിനെതിരെയുള്ള വകുപ്പുതല അന്വേഷണം 45 ദിവസത്തിനകം പൂർത്തിയാക്കുമെന്ന് ഗതാഗത മന്ത്രി . വിസ്മയ കേസ് രജിസ്റ്റർ ചെയ്ത ദിവസം തന്നെ കിരൺ കുമാറിനെ അന്വേഷണ വിധേയമായി സസ്‌പെന്‍റ് ചെയ്തിരുന്നു. ഇതിന് പിന്നാലെയാണ് വേഗത്തിൽ അന്വേഷണം പൂർത്തിയാക്കാനും മന്ത്രി നിർദേശം നൽകിയിരിക്കുന്നത്.
കുറ്റാരോപണ മെമ്മോ നൽകി വകുപ്പുതല അന്വേഷണം ഉൾപ്പെടെയുള്ള നിയമപരമായ അച്ചടക്ക നടപടി ക്രമങ്ങൾ 45 ദിവസത്തിനകം പൂർത്തിയാക്കാൻ ട്രാൻസ്‌പോർട്ട് കമ്മീഷണർക്കാണ് ഗതാഗത മന്ത്രി നിർദേശം നൽകിയിരിക്കുന്നത്.
Also Read :
ഇതിനിടെ പോലീസ് കസ്റ്റഡിയിലുള്ള കിൺ കുമാറിന് കൊവിഡ്-19 സ്ഥിരീകരിച്ചിട്ടുണ്ട്. ഇതോടെ കേസിലെ തെളിവെടുപ്പ് മാറ്റി വെച്ചു. കിരണിന്‍റെ കസ്റ്റഡി കാലാവധി ഇന്ന് അവസാനിക്കാനിരിക്കേയാണ് പ്രതിയ്ക്ക് കൊവിഡ് സ്ഥിരീകരിക്കുന്നത്.
Also read :
ഇന്ന് കിരൺകുമാറിനെ നിലമേലെ വിസ്മയയുടെ വീട്ടിലെത്തിച്ച് തെളിവെടുപ്പ് നടത്താനായിരുന്നു പോലീസ് പദ്ധതിയിട്ടിരുന്നത്. ജനുവരിയിൽ ഈ വിട്ടിൽ വെച്ച് വിസ്മയയെ കിരൺ മര്‍ദ്ദിച്ചിരുന്നു. കൂടാതെ സ്ത്രീധനമായി ലഭിച്ച കാറും ഈ വീട്ടിലുണ്ട്. ഇത് പ്രതി ഉപയോഗിച്ചിരുന്നതാണെന്ന് സ്ഥിരീകരിക്കാനാണ് വീട്ടിൽ തെളിവെടുപ്പിന് എത്തുന്നത്.
