2012 മുതൽ പ്രവർത്തനം ആരംഭിച്ച ജീവകാരുണ്യ പ്രസ്ഥാനമാണ് ഐആർപിസി. കണ്ണൂർ ജില്ലയിൽ 216 പ്രാദേശിക ഗ്രൂപ്പുകൾ പ്രവർത്തിക്കുന്നുണ്ട്. ഐആർപിസി വിദേശ പണം സ്വീകരിക്കാറില്ല. ചെക്ക് ഉപയോഗിച്ചും ബാങ്ക് മുഖേനയുമാണ് സ്ഥാപനം പണം വിനിമയം നടത്തുന്നത്. പതിനായിരത്തിൽ കൂടുതൽ സംഭാവന സ്വീകരിക്കാറില്ലെന്നും ഐആർപിസി വ്യക്തമാക്കി.
പണം സ്വീകരിച്ചതിന്റെ കൃത്യമായ രേഖകൾ ഐആർപിസിയുടെ പക്കലുണ്ട്. നിയമപരമായി പ്രവർത്തിക്കുന്ന സ്ഥാപനത്തെക്കുറിച്ചാണ് അസംബന്ധ പ്രസംഗം നടത്തിയിരിക്കുന്നതെന്ന് പ്രസ്താവനയിൽ പറയുന്നു.
കഴിഞ്ഞ ഒരു വർഷമായി കൊവിഡ് പ്രതിരോധ പ്രവർത്തനങ്ങളിൽ അടക്കം ഐആർപിസി രംഗത്തുണ്ട്. ജീവകാരുണ്യ പ്രവർത്തനം നടത്തുന്ന പ്രസ്ഥാനത്തെ അപകീർത്തിപ്പെടുത്തുക എന്ന ലക്ഷ്യത്തോടെയാണ് ഷാഫി പറമ്പിലിന്റെ പ്രസ്താവന. ഷാഫിയുടെ പ്രവർത്തനം ജനങ്ങളോടുള്ള വെല്ലുവിളിയാണെന്നും ഐആർപിസി വ്യക്തമാക്കി.
