റിയോ ഡി ജനീറോ
കോപ അമേരിക്ക ഫുട്ബോളിൽ പെറു ക്വാർട്ടറിൽ. വെനസ്വേല പുറത്തായി. ബ്രസീലിനെ 1–-1ന് തളച്ച് ഇക്വഡോറും അവസാന എട്ടിൽ ഇടംപിടിച്ചു. നിർണായക കളിയിൽ വെനസ്വേലയെ ഒരു ഗോളിന് കീഴടക്കിയാണ് നിലവിലെ റണ്ണറപ്പുകളായ പെറു കുതിച്ചത്. ആന്ദ്രേ കാരില്ലൊ ലക്ഷ്യം കണ്ടു.
കഴിഞ്ഞ പത്ത് കളിയിലും ജയവുമായി മുന്നേറിയ ബ്രസീലിനെ ഇക്വഡോർ പിടിച്ചുകെട്ടി. നെയ്മർ ഉൾപ്പെടെ പല പ്രധാന താരങ്ങൾക്കും വിശ്രമം അനുവദിച്ചാണ് പരിശീലകൻ ടിറ്റെ ബ്രസീലിനെ ഒരുക്കിയത്. ഏദെർ മിലിറ്റാവോയിലൂടെ ബ്രസീലാണ് മുന്നിലെത്തിയത്. ഏഞ്ചൽ മെന ഇക്വഡോറിന് സമനില ഒരുക്കി.
