കുവൈറ്റ് സിറ്റി > കേരള ആർട്ട് ലവേഴ്സ് അസോസിയേഷൻ, കല കുവൈറ്റും മാതൃഭാഷ സമിതിയും സംയുക്തമായി കഴിഞ്ഞ 30 വർഷമായി നടത്തി വരുന്ന സാംസ്കാരിക ദൗത്യമായ സൗജന്യ മാതൃഭാഷ പഠന പദ്ധതിയുടെ പ്രവേശനോത്സവം ശനിയാഴ്ച വൈകുന്നേരം 5 മണിക്ക് ഓൺലൈനായി നടക്കും.
കവിയും ഗാനരചയിതാവുമായ രാജീവ് ആലുങ്കൽ ഉദ്ഘാടനം ചെയ്യും. മുഖ്യാഥിതിയായി മലയാളം മിഷൻ കർണാടക ചാപ്റ്റർ പ്രസിഡൻ്റ് കെ ദാമോദരൻ പങ്കെടുക്കും. പ്രവേശനോത്സവത്തിലേക്ക് കുവൈറ്റിലെ മുഴുവൻ ഭാഷ സ്നേഹികളെയും സ്വാഗതം ചെയ്യുന്നതായി മാതൃഭാഷ സമിതി ജനറൽ കൺവീനർ വിനോദ് കെ ജോൺ അറിയിച്ചു.
