മലപ്പുറം: ബന്ധുക്കളായ രണ്ട് പെൺകുട്ടികൾ കടലുണ്ടിപ്പുഴയിൽ മുങ്ങി മരിച്ചു. ഇവർക്കൊപ്പം ഉണ്ടായിരുന്ന മറ്റൊരു പെൺകുട്ടിക്കായി തെരച്ചിൽ തുടരുകയാണ്. ഇന്ന് ഉച്ചയ്ക്ക് ഒരു മണിയോടെ പന്തല്ലൂർ മില്ലും പടിയിൽ കടലുണ്ടിപ്പുഴയിലാണ് അപകടമുണ്ടായത്.
പന്തല്ലൂർ കൊണ്ടോട്ടി ഹുസൈൻ്റെ മകൾ ഫാത്തിമ ഇഫ്ത്ത് (19), ഹുസൈൻ്റെ സഹോദരൻ അബ്ദുറഹ്മാൻ്റെ മകൾ ഫാത്തിമ ഫിദ (14) എന്നിവരാണ് മരിച്ചത്. ഇവരുടെ സഹോദരൻ അൻവറിൻ്റെ മകൾ ഫസ്മിയ ഷെറിനാണ് (16) ഒഴുക്കിൽപ്പെട്ട് കാണാതായത്. ഇവർക്കൊപ്പം ഉണ്ടായിരുന്ന് ആൺകുട്ടി രക്ഷപ്പെട്ടു.
കാണാതായ കുട്ടിക്കായി നാട്ടുകാരും അഗ്നി രക്ഷാ സേനയും തെരച്ചിൽ നടത്തുകയാണ്. കുട്ടികളുടെ മൃതദേഹങ്ങൾ മഞ്ചേരി മെഡിക്കൽ കോളേജ് ആശുപത്രിയിൽ എത്തിച്ചിട്ടുണ്ട്. ബന്ധുവീട്ടിൽ സന്ദർശനത്തിനിടെയാണ് വീടിന് സമീപത്തെ പുഴയിൽ കുട്ടികൾ ഇറങ്ങിയത്.
