കൊല്ലം: വിസ്മയ എന്ന യുവതി ഭർതൃഗൃഹത്തിൽ തൂങ്ങി മരിച്ച സംഭവത്തിൽ ഭർത്താവ് കിരണിനെ കസ്റ്റഡിയിലെടുത്ത് പോലീസ്. മോട്ടോർ വെഹിക്കിൾ ഇൻസ്പെക്ടറായ കിരണിനെ പോലീസ് ചോദ്യം ചെയ്യുകയാണ്. ഭർത്താവിൽ നിന്നും ക്രൂരമായ പീഡനമേറ്റതിനു പിന്നാലെയാണ് വിസ്മയ ജീവനൊടുക്കിയത്. കിരൺ പോലീസ് സ്റ്റേഷനിലെത്തി കീഴടങ്ങുകയായിരുന്നു.
യുവതിയുടെ ആത്മഹത്യയിൽ പോലീസ് ഇതുവരെ കേസെടുത്തിട്ടില്ല. മരണകാരണം വ്യക്തമായതിനു ശേഷമായിരിക്കും കേസ് രജിസ്റ്റർ ചെയ്യുക. വിസ്മയ മരിച്ചതിനു ശേഷം കിരൺ ഒളിവിലായിരുന്നു. യുവതിയുടെ സംസ്കാരം കഴിഞ്ഞ ശേഷമാണ് കിരൺ കീഴടങ്ങിയിരിക്കുന്നത്.
