കൊച്ചി: എസ്കോർട്ടും പൈലറ്റ് വാഹനവും സംസ്ഥാന സർക്കാർ നൽകാത്തതിനെത്തുടർന്ന് സർക്കാർ അനുവദിച്ച ഗൺമാനെ വഴിയിൽ ഇറക്കിവിട്ട് വി മുരളീധരൻ. ഗൺമാൻ ബിജുവിനെയാണ് തിരുവനന്തപുരത്ത് വഴിയരികിൽ ഇറക്കിവിട്ടത്.
വൈ കാറ്റഗറിയിൽ ഉൾപ്പെട്ടയാളാണ് വി മുരളീധരൻ. എന്നാൽ കേരളത്തിൽ എത്തിയപ്പോൾ സംസ്ഥാന സർക്കാർ എസ്കോർട്ടും പൈലറ്റ് വാഹനവും നൽകിയില്ല. തെരഞ്ഞെടുപ്പുകാലത്ത് പൈലറ്റ് വാഹനം നൽകിയിരുന്നില്ലെങ്കിലും എസ്കോർട്ട് നൽകിയിരുന്നു. എന്നാൽ ഇപ്പോൾ പൈലറ്റ് വാഹനവും എസ്കോർട്ടും നിഷേധിച്ചെന്നാണ് ബിജെപി ആരോപിക്കുന്നത്.
തിരുവനന്തപുരം ബേക്കറി ജംങ്ഷനിൽ വെച്ചാണ് സംസ്ഥാന സർക്കാർ നൽകിയ ഗൺമാൻ ബിജുവിനെ വഴിയിൽ ഇറക്കി വിട്ടത്. പൈലറ്റും എസ്കോർട്ടും ഒഴിവാക്കിയ പശ്ചാത്തലത്തിൽ സംസ്ഥാന സർക്കാരിന്റെ ഗൺമാനും വേണ്ടെന്ന നിലപാടിലാണ് വി മുരളീധരൻ എന്നാണ് മാതൃഭൂമി റിപ്പോർട്ട്.
