ഗ്ലാസ്ഗോ
യൂറോ വിജയം ലക്ഷ്യമിട്ട ക്രൊയേഷ്യയെ ചെക്ക് റിപ്പബ്ലിക് സമനിലയിൽ തളച്ചു (1–-1). ആദ്യ പകുതിയിൽ പെനൽറ്റിയിലൂടെ പാട്രിക് ഷിക്കാണ് ചെക്ക് റിപ്പബ്ലിക്കിന് ലീഡ് നൽകിയത്. രണ്ടാംപകുതിയുടെ തുടക്കത്തിൽ ഇവാൻ പെരിസിച്ചിലൂടെ ക്രൊയേഷ്യ സമനിലകണ്ടു.
പ്രീ ക്വാർട്ടർ കൊതിച്ചെത്തിയ സ്ലൊവാക്യയെ സ്വീഡൻ തുരത്തി. കളിതീരാൻ 13 മിനിറ്റ് ബാക്കിനിൽക്കേ എമിൽ ഫൊർസ്ബർഗിന്റെ പെനൽറ്റിയിലാണ് സ്വീഡൻ ജയം കൊയ്തത്. ആദ്യ കളിയിൽ പോളണ്ടിനെ മറികടന്ന സ്ലൊവാക്യയ്ക്ക് ജയിച്ചാൽ നോക്കൗട്ടിലേക്ക് മുന്നേറാമായിരുന്നു. സ്പെയ്നിനെ തളച്ചെത്തിയ സ്വീഡൻ ജയത്തോടെ ഗ്രൂപ്പ് ഇയിൽ ഒന്നാമതെത്തി. നാല് പോയിന്റാണ്. സ്കോട്ട്ലൻഡ് ഇംഗ്ലണ്ടിനെ ഗോളടിക്കാതെ സമനിലയിൽ പിടിച്ചുനിർത്തി.
