ആര്എസ്എസ് അജണ്ടകള് നടപ്പാക്കുന്നു കേന്ദ്രനീക്കത്തിനെതിരെ പ്രതികരിക്കുമെനെന്നും ഐഷയ്ക്കെതിരായ നടപടി ഫാസിസ്റ്റ് സമീപനമാണെന്നും സുധാകരൻ ഫേസ്ബുക്ക് പോസ്റ്റിൽ കുറിച്ചു. അതേസമയം, ലക്ഷദ്വീപ്വിഷയത്തിൽ കേരള നിയമസഭ പാസാക്കിയ പ്രമേയത്തിൽ പ്രധാനമന്ത്രി നരേന്ദ്ര മോദിയുടെയും സംഘപരിവാറിൻ്റെയും പേരു പറയാത്തതിൽ സുധാകരൻ വിമര്ശിച്ചു. ലക്ഷദ്വീപ് വിഷയത്തിൽ കോൺഗ്രസ് മുന്നിൽ നിന്നു സമരം നയിക്കുമന്ന് കെ സുധാകരൻ പറഞ്ഞു. ലക്ഷദ്വീപ് ജനതയെ പിറന്ന പണ്ണിൽ അപരവത്കരിക്കാനും ആളുകള്ക്കിടയിൽ അരക്ഷിതാവസ്ഥയുണ്ടാക്കാനുമാണ് ശ്രമിക്കുന്നതെന്ന് സുധാകരൻ വിമര്ശിച്ചു.
Also Read:
ചാനൽ ചര്ച്ചയ്ക്കിടെ ഐഷ സുൽത്താന നടത്തിയ പരാമര്ശത്തിൻ്റെ പേരിൽ രാജ്യദ്രോഹക്കുറ്റം ചുമത്തി കേസെടുത്ത നടപടി എതിര്ശബ്ദങ്ങളെ ഉന്മൂലനം ചെയ്യുന്ന ഫാസിസ്റ്റ് സമീപനത്തിൻ്റെ ഭാഗമാണ്. ലക്ഷദ്വീപ് ജനതയുടെ ജീവനും സ്വത്തിനും ഭീഷണിയുയര്ത്തുന്ന ബയോവെപൺ തന്നെയാണ് പ്രഫുൽ പട്ടേൽ. ലക്ഷദ്വീപ് ജനതയ്ക്കും അവര്ക്കു വേണ്ടി ശബ്ദമുയര്ത്തിയ ഐഷ സുൽത്താനയ്ക്കും ഐക്യദാര്ഢ്യം പ്രഖ്യാപിക്കുന്നുവെന്നും കെ സുധാകരൻ പറഞ്ഞു. ഇരയ്ക്കും വേട്ടക്കാരനും ഒപ്പം നിൽക്കുന്നതാണ് ഇടതുപക്ഷ സമീപനമെന്നും ലഘുലേഖകളും പുസ്തകങ്ങളും കൈയ്യിൽ വെച്ചതിനു യുഎപിഎ ചുമത്തുന്ന ഇടതുപക്ഷം പ്രമേയത്തിൽ മോദിയുടെ പേരെടുത്തു പറയാത്തതിൽ അതിശയിക്കാനില്ലെന്നും സുധാകരൻ വിമര്ശിച്ചു.
Also Read:
ലക്ഷദ്വീപ് ബിജെപി അധ്യക്ഷൻ നല്കിയ പരാതിയിലാണ് ഐഷയ്ക്കെതിരെ കവരത്തി പോലീസ് രാജ്യദ്രോഹക്കുറ്റം ചുമത്തി കേസെടുത്തത്. ഈ നടപടിയിൽ പ്രതിഷേധിച്ച് ലക്ഷദ്വീപ് ബിജെപിയിൽ നിന്ന് 12 മുതിര്ന്ന നേതാക്കള് രാജിവെച്ചിരുന്നു. ഇതിനിടെ ഐഷ സുൽത്താനയ്ക്ക് പിന്തുണയുമായി സിപിഐയും രംഗത്തെത്തിയിട്ടുണ്ട്.
