സംസ്ഥാനത്ത് നടന്നത് വീരപ്പൻ ഭരണമാണ്. ഐപിഎസ് ഉദ്യോഗസ്ഥനെ വെച്ച് കേസ് തെളിയിക്കാനാകില്ല. സിപിഐ നേതാക്കളായ കാനവും ബിനോയ് വിശ്വവും എന്തുകൊണ്ടാണ് മൗനം പാലിക്കുന്നത്. സിപിഐ വിശദീകരിക്കണം. സിപിഎമ്മിന്റെയും സിപിഐയുടേയും നേതൃത്വമാണ് കൊള്ള നടത്തിയതെന്നും സുരേന്ദ്രൻ ആരോപിച്ചു.
ആർക്കു നേരെയാണ് അന്വേഷണം നടക്കുന്നതെന്നും രാഷ്ട്രീയ നേതൃത്വത്തിന്റെ പങ്ക് അന്വേഷിക്കുമോയെന്നും മുഖ്യമന്ത്രി പിണറായി വിജയൻ വ്യക്തമാക്കണമെന്ന് കെ സുരേന്ദ്രൻ ആവശ്യപ്പെട്ടു. മന്ത്രിസഭയുടെ പരിഗണനയിൽ വിഷയം വന്നോയെന്ന് മുഖ്യമന്ത്രി വ്യക്തമാക്കണം.
റവന്യൂ സെക്രട്ടറിക്ക് മാത്രമാണോ പങ്ക്? നിയന്ത്രണങ്ങൾക്കിടയിൽ പെരുമ്പാവൂർ വരെ മരം എങ്ങനെ എത്തി? ഉദ്യോഗസ്ഥരുടെ തലയിൽ കെട്ടിവെച്ച് രക്ഷപെടാമെന്ന് കരുതേണ്ടെന്നും സുരേന്ദ്രൻ പറഞ്ഞു. മുഖ്യമന്ത്രിയുടെ അറിവോടെയാണോ മരംമുറി നടന്നത്? തെളിവ് നശിപ്പിച്ചത് ആരാണെന്നും സുരേന്ദ്രൻ ചോദിച്ചു.
വിഷയത്തിൽ ശക്തമായ സമരം ബിജെപി നടത്തും. ജൂൺ 16ന് സംസ്ഥാന വ്യാപകമായ പ്രതിഷേധം നടത്തുമെന്നും സുരേന്ദ്രൻ പറഞ്ഞു.
