ന്യൂഡൽഹി
ഇന്ത്യക്കാർക്ക് പ്രവേശനം അനുവദിക്കണമെന്ന് ചൈനയോട് കേന്ദ്ര വിദേശകാര്യമന്ത്രാലയം അഭ്യർത്ഥിച്ചു. ചൈനയിൽ ജോലി ചെയ്യുന്നവരും പഠിക്കുന്നവരുമടക്കം അത്യാവശ്യക്കാർക്ക് ഇരു രാജ്യങ്ങളിലേക്കും സഞ്ചരിക്കാൻ വഴിയൊരുക്കണം. ഇന്ത്യയിലേക്ക് ചൈനക്കാർക്ക് പ്രവേശന വിലക്കില്ല.
നവംബർ മുതൽ ഇന്ത്യക്കാർക്ക് ചൈനയിൽ പ്രവേശനവിലക്കാണ്. ചൈനീസ് വാക്സിൻ എടുക്കുന്നവർക്ക് യാത്ര അനുവദിക്കുമെന്ന് മാർച്ചിൽ എംബസി വിജ്ഞാപനം ചെയ്തെങ്കിലും ഒരാൾക്കും വിസ നൽകുന്നില്ലെന്ന് മന്ത്രാലയം വക്താവ് അരിന്ദം ബാഗ്ചി പറഞ്ഞു.
