പത്തനംതിട്ട: കോടികളുടെ നിക്ഷേപമുള്ള സ്വകാര്യ ധനകാര്യസ്ഥാപനത്തിനെതിരേ നിക്ഷേപകരുടെ പരാതി. ഓമല്ലൂർ ആസ്ഥാനമായുള്ള സ്ഥാപനത്തിന്റെ ഓഫീസും ശാഖകളും ഒരുമാസത്തിലേറെയായി തുറക്കുന്നില്ലെന്ന് അടൂർ പോലീസിൽ നാല് നിക്ഷേപകർ കൊടുത്ത പരാതിയിൽ പറയുന്നു. മൂന്ന് മാസത്തെ പലിശയും നൽകാനുണ്ട്.
നിക്ഷേപത്തുക തിരിച്ചുനൽകാമെന്ന് നിശ്ചയിച്ച ദിവസം കഴിഞ്ഞിട്ടും ഉടമ ഫോൺ എടുക്കാതായതോടെയാണ് നിക്ഷേപകർ പോലീസിനെ സമീപിച്ചത്. ഓമല്ലൂരിലേത് കൂടാതെ പത്തനംതിട്ട, അടൂർ, പത്തനാപുരം എന്നിവിടങ്ങളിലാണ് സ്ഥാപനത്തിന് ശാഖകളാണുള്ളത്. എഫ്.െഎ.ആർ. രജിസ്റ്റർ ചെയ്തിട്ടില്ലെന്നും വിശദാംശങ്ങൾ ശേഖരിച്ചുവരുകയാണെന്നും അടൂർ സി.െഎ. പറഞ്ഞു. പരാതിയുടെ അടിസ്ഥാനത്തിൽ സ്ഥാപന ഉടമയെ ഫോണിൽ ബന്ധപ്പെടാൻ ശ്രമിച്ചെങ്കിലും ലഭിച്ചില്ല.
ശനിയാഴ്ച ഉടമയുടെ വീട്ടിലെത്തി കാര്യങ്ങൾ തിരക്കുമെന്നും ഇതിലും പുരോഗതിയൊന്നും ഉണ്ടായില്ലെങ്കിൽ കേസെടുക്കുമെന്നും സി.െഎ. അറിയിച്ചു.
Content Highlight: Complaint againstfinancial firm in Pathanamthitta
