വനംവകുപ്പുമായി ബന്ധപ്പെട്ട കേസായതിനാൽ കേന്ദ്രസര്‍ക്കാരിന് വിഷയത്തിൽ ഇടപെടാമെന്നും മരംമുറി സംഭവത്തിൽ കേന്ദ്രനിയമങ്ങള്‍ ലംഘിക്കപ്പെട്ടിട്ടുണ്ടെന്നുമാണ് ബിജെപി നേതാക്കളെ ഉദ്ധരിച്ചുള്ള മനോരമ റിപ്പോര്‍ട്ട്. കൊടകര സംഭവത്തിൽ ആദ്യഘട്ടത്തിൽ ഉള്‍വലിഞ്ഞു നിന്ന ശേഷം കെ സുരേന്ദ്രനു വേണ്ടി പ്രതിരോധം തീര്‍ത്ത് സംസ്ഥാന നേതാക്കള്‍ രംഗത്തെത്തിയതിനു പിന്നാലെയാണ് പുതിയ നീക്കം. ആദ്യഘട്ടത്തിൽ വേണ്ടത്ര രാഷ്ട്രീയ പ്രതിരോധം തീര്‍ക്കാതിരുന്നത് പാര്‍ട്ടിയ്ക്ക് തിരിച്ചടിയായെന്നാണ് ബിജെപി വിലയിരുത്തൽ.
Also Read:
ഇതിനിടെ സംസ്ഥാന സര്‍ക്കാര്‍ വേട്ടയാടുകയാണെന്ന ആരോപണവുമായി ബിജെപി നേതാക്കള്‍ ഗവര്‍ണര്‍ ആരിഫ് മുഹമ്മദ് ഖാനെ കണ്ടു. കുഴൽപ്പണക്കേസിൽ അറസ്റ്റിലായവര്‍ എൽഡിഎഫ് പ്രവര്‍ത്തകരാണെന്നും ഇതിൽ ബിജെപിയ്ക്ക് എന്താണ് പങ്കെന്നു പറയണമെന്നുമാണ് എംടി രമേശ് ആവശ്യപ്പെട്ടത്. കൂടാതെ സംസ്ഥാനത്തെ എല്ലാ രാഷ്ട്രീയ പാര്‍ട്ടികളുടെയും തെരഞ്ഞെടുപ്പ് ഫണ്ട് സംബന്ധിച്ച് ഇഡി അന്വേഷണം നടത്തണമെന്നും ബിജെപി നേതാക്കള്‍ ആവശ്യപ്പെട്ടേക്കും.
Also Read:
കൊടകര സംഭവത്തിൻ്റെ പശ്ചാത്തലത്തിൽ ബിജെപി സംസ്ഥാന നേതൃത്വത്തിൽ തത്കാലം മാറ്റം വേണ്ടെന്നാണ് ബിജെപി കേന്ദ്രനേതൃത്വത്തിൻ്റെ നിലപാട്. എന്നാൽ ഉചിതമായ സമയത്ത് ഇക്കാര്യത്തിൽ നടപടിയുണ്ടായേക്കും. കുഴൽപ്പണക്കേസിലും സികെ ജാനുവിനും കെ സുന്ദരയ്ക്കും പണം നല്‍കിയെന്നുള്ള ആരോപണങ്ങളിലും കെ സുരേന്ദ്രൻ ബിജെപി കേന്ദ്രനേതാക്കള്‍ക്ക് വിശദീകരണം നല്‍കുകയും ചെയ്തു.
