തിരുവനന്തപുരം: നാളെ സംസ്ഥാനത്ത് റേഷൻ വിതരണം ഉണ്ടായിരിക്കില്ല. വിതരണ സോഫ്റ്റ്വെയറിൽ ആവശ്യമായ ക്രമീകരണങ്ങൾ ചെയ്യേണ്ടതിനാലാണ് റേഷൻ വിതരണം ഒഴിവാക്കിയത്. പകരം ജൂൺ മാസത്തെ റേഷൻ വിതരണം 10.06.2021 മുതൽ ആരംഭിക്കുമെന്നും ഭക്ഷ്യവകുപ്പ് അറിയിച്ചു.
നേരത്തെ റേഷൻ കടയുടെ പ്രവർത്തന സമയത്തിൽ മാറ്റം വരുത്തിയിരുന്നു. രാവിലെ ഒമ്പത് മുതൽ ഒന്നു വരെയും ഉച്ചയ്ക്ക് ശേഷം രണ്ട് മുതൽ അഞ്ച് വരെയുമാണ് പ്രവർത്തന സമയം. കൊവിഡ് രൂക്ഷമായ സാഹചര്യത്തിലായിരുന്നു ഇത്.
നേരത്തെ ഉണ്ടായിരുന്ന സമയ ക്രമം റേഷൻ കട ഉടമകളുടേയും ജനപ്രതിനിധികളുടേയും അഭ്യർത്ഥന മാനിച്ചാണ് മാറ്റിയത്. എന്നാൽ കണ്ടെയ്ൻമെന്റ് സോണിൽ പെടുന്ന പ്രദേശങ്ങളിൽ കളക്ടർ പ്രഖ്യാപിച്ചിരിക്കുന്ന സമയ ക്രമം റേഷൻ വ്യാപാരികൾക്കും ബാധകമായിരിക്കുമെന്ന് റേഷൻ ഡീലേഴ്സ് അസോസിയേഷൻ സംയുക്ത സമിതി ചെയർമാൻ ജോണി നെല്ലൂർ പറഞ്ഞു.
