ലോർഡ്സ്
ഇംഗ്ലണ്ട് -ന്യൂസിലൻഡ് ഒന്നാം ക്രിക്കറ്റ് ടെസ്റ്റ് സമനിലയിൽ. 273 റൺ വിജയലക്ഷ്യം പിന്തുടർന്ന ഇംഗ്ലണ്ട് അഞ്ചാംദിനം മൂന്നിന് 170ൽ അവസാനിപ്പിച്ചു. ഒന്നാം ഇന്നിങ്സിൽ ഇരട്ടസെഞ്ചുറി നേടിയ കിവീസ് താരം ഡെവൻ കൊൺവേ കളിയിലെ താരമായി. ഈ ഓപ്പണറുടെ അരങ്ങേറ്റക്കളിയാണിത്. രണ്ടു മത്സരപരമ്പരയിലെ അവസാനകളി വ്യാഴാഴ്ചയാണ്.
സ്കോർ: ന്യൂസിലൻഡ് 378, 6-169 ഡി, ഇംഗ്ലണ്ട് 275, 3-170.
കളിയുടെ മൂന്നാംദിനം മഴയെടുത്തിരുന്നു. ഇതാണ് സമനിലയിലേക്ക് നീളാൻ കാരണമായത്. രണ്ടാം ഇന്നിങ്സിൽ 60 റണ്ണുമായി പുറത്താകാതെ നിന്ന ഡോമിനിക് സിബ്ലിയാണ് ഇംഗ്ലണ്ടിനെ കാത്തത്.
