തിരുവനന്തപുരം
തിങ്കളാഴ്ച ആരംഭിക്കുന്ന എസ്എസ്എൽസി പരീക്ഷാ ഉത്തരക്കടലാസുകളുടെ മൂല്യനിർണയത്തിന് അധ്യാപകർക്ക് പ്രത്യേക യാത്രാസൗകര്യമൊരുക്കി കെഎസ്ആർടിസി. മൂല്യനിർണയത്തിന് പോകുന്ന അധ്യാപകർക്ക് സംസ്ഥാനത്തെ എല്ലാ ഡിപ്പോകളിൽനിന്നും പ്രത്യേക സർവീസ് നടത്താൻ നിർദേശിച്ചതായി ഗതാഗതമന്ത്രി ആന്റണിരാജു പറഞ്ഞു. എസ്എസ്എൽസി മൂല്യനിർണയത്തിന് 70 ക്യാമ്പിൽ 12,512 അധ്യാപകരേയും ടിഎച്ച്എസ്എൽസി പരീക്ഷയ്ക്ക് രണ്ട് ക്യാമ്പിലായി 92 അധ്യാപകരേയുമാണ് നിയോഗിച്ചിട്ടുള്ളത്. 25 വരെയാണ് മൂല്യനിർണയം.
പ്ലസ് ടു മൂല്യനിർണയം പുരോഗമിക്കുകയാണ്. 80 ശതമാനത്തിലേറെ അധ്യാപകർ ക്യാമ്പുകളിലെത്തിയിട്ടുണ്ട്. ബാക്കിയുള്ളവർ സമ്പർക്ക വിലക്കിലോ കണ്ടെയ്ൻമെന്റ് സോണുകളിലോ ആണ്. പ്ലസ് ടു മൂല്യനിർണയക്യാമ്പ് 19വരെ തുടരും. പ്ലസ് ടു അധ്യാപകർക്കും മൂല്യനിർണയ ക്യാമ്പിലെത്താൻ കെഎസ്ആർടിസി പ്രത്യേക സർവീസുകളെ ആശ്രയിക്കാം. കെഎസ്ആർടിസി കൺട്രോൾ റൂം നമ്പർ: 9447071021. 0471 2463799. വാട്ട്സാപ്പ്: 8129562972
