ഹോട്ടല്‍ തുറക്കാനോ പ്രവര്‍ത്തിക്കാനോ പാടില്ലെന്ന് പോലീസ് നിര്‍ദേശം നല്‍കിയിരുന്നെന്നാണ് വിവിധ മാധ്യമങ്ങൾ റിപ്പോർട്ട് ചെയ്യുന്നത്. നിർദേശം ലഭിച്ചതിനെത്തുടർന്ന് യോഗം ജില്ലാ കമ്മിറ്റി ഓഫീസിലേക്ക് മാറ്റുകയായിരുന്നു.
Also Read :
അതേസമയം യോഗം നടത്താൻ മുൻകൂട്ടി അമുമതി വാങ്ങിയിരുന്നെന്ന് കുമ്മനം രാജശേഖരൻ പ്രതികരിച്ചു. സർക്കാർ ഇടപെടൽ മൂലമാണ് പോലീസ് ഇടപെട്ടത്. ബിജെപിയെ വളഞ്ഞിട്ട് ആക്രമിക്കുകയാണെന്നും കുമ്മനം മാധ്യമങ്ങളോട് പറഞ്ഞു.
സമാധാനപരമായി രാഷ്ട്രീയപ്രവർത്തനം നടത്താൻ അനുവദിക്കുന്നില്ലെന്നും കുഴൽപ്പണക്കേസിലെ ഗൂഢാലോന അന്വേഷിക്കുന്നില്ലെന്നും കുമ്മനം ആരോപിച്ചു. കെ സുരേന്ദ്രനെ ഒറ്റതിരിഞ്ഞ് ആക്രമിക്കുന്നു. സുരേന്ദ്രന്‍റെ മകനെ ചോദ്യം ചെയ്യാനുള്ള നീക്കം പാർട്ടിയെ അവഹേളിക്കാനാണെന്നും കുമ്മനം പറഞ്ഞു.
Also Read :
അതേസമയം 2021ലെ നിയമസഭാ തെരഞ്ഞെടുപ്പിൽ നിന്ന് പിന്മാറാനും പത്രിക പിൻവലിക്കാനുമായി ബിജെപി നേതൃത്വത്തിൽ നിന്നും പണം ലഭിച്ചുവെന്ന കെ സുന്ദരയുടെ വെളിപ്പെടുത്തലിനെത്തുടർന്ന് കെ സുരേന്ദ്രനെതിരെ പോലീസ് കേസ് രജിസ്‌റ്റർ ചെയ്‌തു. 171-ഇ, 171-ബി എന്നീ വകുപ്പുകൾ പ്രകാരമാണ് കേസെടുത്തത്. പരാതിയിൽ പോലീസ് പ്രാഥമിക അന്വേഷണം ആരംഭിച്ചിട്ടുണ്ട്.
