2016നെ നിയമസഭാ തെരഞ്ഞെടുപ്പിൽ ബിഎസ്പി സ്ഥാനാര്‍ഥിയായി മത്സരിച്ച കെ സുന്ദര 462 വോട്ടുകള്‍ നേടിയിരുന്നു. എന്നാൽ ആ തെരഞ്ഞെടുപ്പിൽ കെ സുരേന്ദ്രൻ വെറും 89 വോട്ടുകള്‍ക്ക് പരാജയപ്പെടുകായിരുന്നു. എന്നാൽ ഈ തെരഞ്ഞെടുപ്പിലും കെ സുരേന്ദ്രൻ്റെ അപരസ്ഥാനാര്‍ഥിയായി കെ സുന്ദര മത്സരിക്കാനായി പത്രിക നല്‍കുകയായിരുന്നു. ഇതിനു പിന്നാലെയാണ് ബിജെപി നേതാക്കള്‍ ഇടപെട്ട് പണം നല്‍കിയതെന്നാണ് ആരോപണം.
Also Read:
താൻ പതിനഞ്ച് ലക്ഷം രൂപയാണ് ചോദിച്ചതെന്നും എന്നാൽ രണ്ട് ലക്ഷം രൂപ മാത്രമാണ് നല്‍കിയതെന്നും കെ സുന്ദര വെളിപ്പെടുത്തി. ഇതിൻ്റെ വീഡിയോ ദൃശ്യങ്ങളും ചാനൽ പുറത്തു വിട്ടിട്ടുണ്ട്. കെ സുരേന്ദ്രൻ വിജയിച്ചാൽ തനിക്ക് പുതിയ വീടും കര്‍ണാടകയിൽ വൈൻ പാര്‍ലറും നേതാക്കള്‍ വാഗ്ദാനം ചെയ്തിരുന്നുവെന്നും കെ സുന്ദര വെളിപ്പെടുത്തി. ജയിച്ചു കഴിഞ്ഞാൽ ബാക്കി നോക്കിക്കോളാമെന്ന് സുരേന്ദ്രൻ ഉറപ്പു നല്‍കി. ബിജെപി നേതാക്കള്‍ വന്നു കണ്ടതിനു ശേഷം കെ സുരേന്ദ്രൻ നേരിട്ടു ഫോണിൽ ബന്ധപ്പെട്ടതായും കെ സുന്ദര പറഞ്ഞു.
Also Read:
ബിഎസ്പി സ്ഥാനാര്‍ഥിയായി പത്രിക നല്‍കിയ ഇയാളെ പിന്നീട് കാണാതാകുകയായിരുന്നു. ഇതു ചൂണ്ടിക്കാട്ടി ബിഎസ്പി പ്രാദേശിക നേതൃത്വം പോലീസിൽ പരാതിയുമായി എത്തുകയും ചെയ്തിരുന്നു. പിറ്റേന്ന് പത്രിക പിൻവലിക്കുന്നതായി കെ സുന്ദര മാധ്യമങ്ങളോടു വ്യക്തമാക്കുകയും ചെയ്തു.
