ലോക പരിസ്ഥിതി ദിനത്തിന്റെ തീം :
2021 ലെ ലോക പരിസ്ഥിതി ദിനത്തിന്റെ വിഷയം പരിസ്ഥിതി പുനസ്ഥാപനമാണ്. 2021 ൽ പാകിസ്ഥാൻ ലോക പരിസ്ഥിതി ദിനത്തിന്റെ ആഗോള ആതിഥേയത്വം വഹിക്കും.
ലോക പരിസ്ഥിതി ദിനത്തിന്റെ ചരിത്രം:
മനുഷ്യ പരിസ്ഥിതിയെക്കുറിച്ചുള്ള സ്റ്റോക്ക്ഹോം സമ്മേളനത്തിന്റെ ആദ്യ ദിവസത്തിൽ മനുഷ്യ ഇടപെടലുകളും പരിസ്ഥിതിയും സംയോജിപ്പിക്കുന്നതിനെക്കുറിച്ചുള്ള ചർച്ചകൾക്ക് ശേഷം 1972 ൽ യുഎൻ പൊതുസഭ ലോക പരിസ്ഥിതി ദിനം ആചരിയ്‌ക്കാൻ തീരുമാനിച്ചു. ഇതിന് ശേഷം രണ്ട് വർഷത്തിന് ശേഷമാണ് ആദ്യത്തെ പരിസ്ഥിതി ദിനം ആചരിച്ചത്. ‘ഒരു ഭൂമി മാത്രം’ എന്നതായിരുന്നു അന്നത്തെ വിഷയം. പരിസ്ഥിതിദിനം ആഘോഷിക്കുന്നതിനായി 1974 മുതൽ വർഷം തോറും ആഘോഷങ്ങൾ നടന്നിരുന്നു.
ലോക പരിസ്ഥിതി ദിനത്തിന്റെ പ്രാധാന്യം:
ഈ ഭൂമി വരും തലമുറകൾക്ക് കൂടി ഉപകാരപ്രദമായ രീതിയിൽ നിലനിർത്താൻ ആവശ്യമായ നടപടികൾ ആഗോളതലത്തിൽ ചർച്ച ചെയ്യുകയും നടപ്പാക്കുകയുമാണ് ലോക പരിസ്ഥിതി ദിനത്തിന്റെ പ്രാധാന്യം. ആഗോളതാപനം, സമുദ്ര മലിനീകരണം, മനുഷ്യരുടെ അമിത ജനസംഖ്യ, വന്യജീവികളുടെ സംരക്ഷണം, സുസ്ഥിര ഉപഭോഗം തുടങ്ങിയ പാരിസ്ഥിതിക പ്രശ്നങ്ങളെക്കുറിച്ച് ഈ ദിനത്തിൽ ഗൗരവകരമായി ചർച്ച ചെയ്യുന്നു.
മലിനീകരണം വൻ വിപത്ത്:
പ്രകൃതിയുടെ ക്ഷയത്തിന് വലിയതോതിൽ കാരണമാകുന്നതാണ് മലിനീകരണം. ഇന്ന് ലോകം നേരിടുന്ന ഏറ്റവും വലിയ ഭീഷണിയും ഇത് തന്നെ. മാലിന്യങ്ങളുടെ അശാസ്ത്രീയമായ സംസ്കരണം മണ്ണ്, ജലം, വായു എന്നിവയെ വളരെ ദോഷകരമായി ബാധിക്കുന്നുണ്ട്. മണ്ണ് മലിനീകരണവും ജല മലിനീകരണവും പോലെ വലിയ വിപത്താണ് വായു മലിനീകരണം. വാഹനങ്ങളിലെയും ഫാക്ടറികളിലെയും പുക അത് വർധിക്കാൻ കാരണമാവുന്നു. നാം നിത്യേന ഉപയോഗിക്കുന്ന റെഫ്രിജറേറ്റർ, എയർ കണ്ടീഷൻ, എന്നിവയിൽ നിന്നും പുറം തള്ളുന്ന ക്ലോറോ ഫ്ലൂറോ കാർബൺ ഭൂമിയുടെ സംരക്ഷണ കവചമായ ഒാസോൺ പാളിയെ നശിപ്പിക്കുന്നു. ഒാസോൺ പാളിക്ക് കേടുപാട് പറ്റുന്നത് വഴി അപകടകാരിയായ അൾട്രാ വയലറ്റ് വികിരണങ്ങൾ ഭൂമിയിലേക്ക് പതിക്കുന്നതിന് കാരണമാവുന്നു. അത് ജീവജാലങ്ങളെ നശിപ്പിക്കുന്നതിലേക്ക് നയിക്കും.
പരിസ്ഥിതി സംരക്ഷണത്തെക്കുറിച്ച് മഹാന്മാരുടെ പ്രശസ്തമായ ചില ഉദ്ധരണികൾ:
“നമ്മൾ ലോകത്തിലെ വനങ്ങളോട് ചെയ്യുന്നത് നമ്മോടും പരസ്പരം ചെയ്യുന്നതിന്റെ പ്രതിഫലനമാണ്” –
മഹാത്മാഗാന്ധി
“നല്ല വെള്ളത്തിലും വായുവിലും ജീവിതം പുതുക്കിയെടുക്കാം; പ്രകൃതിയുടെ നിത്യമായ യൗവനത്തിലാണ് നിങ്ങളുടെ നിലനിൽപ്പ്. – ജോൺ മിയർ
“പ്രകൃതി സംരക്ഷണം മനുഷ്യരും ഭൂമിയും തമ്മിലുള്ള ഐക്യത്തിന്റെ അവസ്ഥയാണ്”. – ആൽഡോ ലിയോപോൾഡ്
“പരിസ്ഥിതി സംരക്ഷിക്കാൻ നമ്മുടെ സ്വന്തം സർക്കാരിനോട് പോരാടേണ്ടത് ഭയാനകമാണ്”. – അൻസൽ ആഡംസ്
“സൗന്ദര്യവും സന്തോഷവും ഉദ്പാദിപ്പിക്കാൻ ഭൂമിയെ നാം അനുവദിക്കുന്നില്ലെങ്കിൽ, അത് അവസാനം ഭക്ഷണം ഉൽപാദിപ്പിക്കുകയുമില്ല”. – ജോസഫ് വുഡ് ക്രച്ച്
പരിസ്ഥിതി ദിന ആശംസകൾ:
*ചുറ്റുപാടുകളെ അവഗണിക്കുന്നവർക്ക് താമസിയാതെ പ്രകൃതിയുടെ പ്രക്ഷോഭം നേരിടേണ്ടിവരും…ഒന്നായി പ്രവർത്തിക്കുകയും നമ്മുടെ പരിസ്ഥിതിയെ പരിപാലിക്കുകയും ചെയ്യാം.
* ഭൂമി നമ്മുടെ വീട് പോലെയാണ്, അതിന്റെ വൃത്തിയും പച്ചപ്പും നിലനിർത്താൻ നാം ശ്രമിക്കണം.
*പരിസ്ഥിതി വൃത്തിയായി നിലനിർത്തുക. മരങ്ങൾ സംരക്ഷിക്കുക, പരിസ്ഥിതി സംരക്ഷിക്കുക, വൃത്തിയുള്ള നഗരം, ഹരിത നഗരം !! ലോക പരിസ്ഥിതി ദിനാശംസകൾ!
*ശുദ്ധവും ഹരിതവുമായ അന്തരീക്ഷം സൃഷ്ടിക്കുമെന്ന് നമുക്ക് പ്രതിജ്ഞയെടുക്കാം ”. പ്രപഞ്ചത്തിൽ ഇത്രയും മനോഹരവും ഊർജ്ജസ്വലവും സജീവവുമായ മറ്റൊരു സ്ഥലമില്ലാത്തതിനാൽ നമ്മുടെ മനോഹരമായ ഗ്രഹത്തെ രക്ഷിക്കാൻ നാം കൈകോർക്കണം. ലോക പരിസ്ഥിതി ദിനാശംസകൾ 2020.
*മനോഹരമായ ഒരു ജീവിതം നയിക്കാൻ നമ്മുടെ വരും തലമുറകൾക്ക് ആരോഗ്യകരവും സന്തോഷകരവുമായ അന്തരീക്ഷം നൽകാം… ലോക പരിസ്ഥിതി ദിനാശംസകൾ.
* പ്രകൃതി എല്ലായ്പ്പോഴും നമ്മോട് ദയ കാണിക്കുന്നു, ഇപ്പോൾ പരിസ്ഥിതിയോട് ഉത്തരവാദിത്തപരമായ മനോഭാവം കാണിച്ച് എല്ലാ ആനുകൂല്യങ്ങളും മടക്കിനൽകേണ്ട സമയമാണിത്. ലോക പരിസ്ഥിതി ദിനത്തിൽ നിങ്ങൾക്ക് ആശംസകൾ.
* നമ്മുടെ ചുറ്റുപാടുകളെ നന്നായി ശ്രദ്ധിക്കണം എന്ന ഓർമ്മപ്പെടുത്തലാണ് പരിസ്ഥിതി ദിനം. നമുക്ക് ജീവിക്കാനും ജീവിതം ആസ്വദിക്കാനും നമ്മുടെ ഗ്രഹത്തെ ഹരിതവും ആരോഗ്യകരവുമാക്കി മാറ്റാമെന്ന് ഒരു വാഗ്ദാനം ചെയ്യാം !!
