പതിവായി എൻഫോഴ്സ്മെന്റ് ഡയറക്ട്രേറ്റിനു (ഇഡി) വേണ്ടി ഹാജരാകുന്ന അഡീഷ്ണൽ സോളിസിറ്റർ ജനറൽ എസ് വി രാജുവിന് കൊവിഡ് ബാധിച്ചതിനാൽ കേസ് രണ്ട് ആഴ്ച കഴിഞ്ഞ് പരിഗണിക്കണമെന്ന് ഇഡി അഭ്യർത്ഥിച്ചു. ബിനീഷിന്റെ അക്കൗണ്ടിലെത്തിയ അഞ്ച് കോടി രൂപയുടെ രേഖകൾ അഭിഭാഷക‍ര്‍ കോടതിയിൽ സമ‍ര്‍പ്പിച്ചു.
കേസിൽ ഇഡിയുടെ മറുവാദമാണ് ഇനി നടക്കേണ്ടത്. കേസിൽ ബിനീഷ് അറസ്റ്റിലായിട്ട് 224 ദിവസം പിന്നിട്ടിരിക്കുകയാണ്. ബിനീഷിന്റെ അക്കൗണ്ടിലെത്തിയ പണവുമായി ബന്ധപ്പെട്ട് കോടതി ആവശ്യപ്പെട്ട രേഖകളെല്ലാം സമ‍ര്‍പ്പിച്ചിട്ടുണ്ടെന്ന് ബിനീഷിന്റെ അഭിഭാഷക‍ര്‍ പറഞ്ഞു.
ബിനീഷിന്റെ അക്കൗണ്ടിലേക്ക് മുഹമ്മദ് അനൂപ് പണം നിക്ഷേപിച്ചിട്ടില്ലെന്ന് അഭിഭാഷക‍ര്‍ വ്യക്തമാക്കി. അക്കൗണ്ടിലെത്തിയ പണം വ്യാപാരവുമായി ബന്ധപ്പെട്ടും സുഹൃത്തുക്കൾ വഴിയുമാണ്. അതിനാൽ ഇടക്കാല ജാമ്യം അനുവദിക്കണമെന്നായിരുന്നു അഭിഭാഷകരുടെ ആവശ്യം. എന്നാൽ ഇത് കോടതി പരിഗണിച്ചില്ല. ജൂൺ ഒമ്പതിന് ബിനീഷിന്റെ വാദങ്ങൾക്ക് ഇഡി മറുപടി നൽകുമെന്ന് ഏഷ്യാനെറ്റ് റിപ്പോ‍‍ര്‍ട്ട് ചെയ്തു.
