Also Read:
കവര്‍ച്ച ചെയ്യപ്പെട്ട കുഴൽപ്പണം കണ്ടെത്താൻ ബിജെപി നേതാക്കള്‍ സ്വന്തം നിലയ്ക്ക് അന്വേഷണം നടത്തിയിരുന്നതായും പോലീസ് കണ്ടെത്തി. കൊടകര സംഭവം പുറത്താകുകയും പോലീസ് അന്വേഷണം തുടങ്ങുകയും ചെയ്ത സമയത്തു തന്നെയാണ് പാര്‍ട്ടി നേതാക്കള്‍ അന്വേഷണം തുടങ്ങിയതെന്നാണ് പോലീസ് കണ്ടെത്തിയിട്ടുള്ളത്. ഇതിനായി ചില ബിജെപി നേതാക്കള്‍ കണ്ണൂരിലെത്തി പ്രതികളിൽ ഒരാളെ കാണുകയും ചെയ്തിട്ടുണ്ടെന്നാണ് ഏഷ്യാനെറ്റ് ന്യൂസ് റിപ്പോര്‍ട്ട്. ഈ ദിവസങ്ങളിൽ ബിജെപി ജില്ലാ അധ്യക്ഷനും കുന്നംകുളത്തെ സ്ഥാനാര്‍ഥിയുമായിരുന്ന കെകെ അനീഷ് കുമാര്‍ തൃശൂര്‍ നഗരത്തിലുണ്ടായിരുന്നില്ലെന്ന് വ്യക്തമായി. എന്നാൽ ഏപ്രിൽ രണ്ടിന് കുഴൽപ്പണവുമായി ധര്‍മരാജൻ അടക്കമുള്ളവര്‍ എത്തിയപ്പോള്‍ ഇദ്ദേഹം തൃശൂരിലുണ്ടായിരുന്നു. അനീഷ്കുമാറും ധര്‍മരാജനും മറ്റുള്ളവരും ഒരേ മൊബൈൽ ടവറിനു കീഴിൽ മൂന്നു മണിക്കൂറോളം ഉണ്ടായിരുന്നതായും അന്വേഷണ സംഘം കണ്ടെത്തി. ഇതുമായി ബന്ധപ്പെട്ട കൂടുതൽ വിവരങ്ങള്‍ ബിജെപി ജില്ലാ അധ്യക്ഷനോട് അന്വേഷണസംഘം ചോദിച്ചറിഞ്ഞു.
Also Read:
അതേസമയം, ധര്‍മരാജനെ അറിയാമായിരുന്നുവെന്നും തെരഞ്ഞെടുപ്പ് സാമഗ്രികള്‍ കൊണ്ടുവരുന്നതു സംബന്ധിച്ചാണ് ഫോണിൽ ബന്ധപ്പെട്ടതെന്നുമാണ് ബിജെപി സംഘടനാ സെക്രട്ടറി എം ഗണേഷ് പോലീസിനു മൊഴി നല്‍കിയത്. എന്നാൽ പണം കൊണ്ടുവരുന്നതു സംബന്ധിച്ച് വിവരമില്ലായിരുന്നുവെന്നും അദ്ദേഹം പറഞ്ഞു.
അതേസമയം, കേസിൽ ബിജെപിയുടെ ഒരു ഉന്നത നേതാവിനു പങ്കുണ്ടെന്നാണ് പോലീസ് സംശയിക്കുന്നത്. കവര്‍ച്ച നടക്കുന്നതിനു മുൻപുള്ള ദിവസങ്ങളിൽ ഇദ്ദേഹം 22 തവണ ഫോണിൽ ബന്ധപ്പെട്ടെന്നാണ് ഉദ്യോഗസ്ഥര്‍ പറയുന്നത്. നിലവിൽ പോലീസിൻ്റെ പട്ടികയിലുള്ള നേതാക്കളുടെയെല്ലാം മൊഴി രേഖപ്പെടുത്തി വിശദമായ പരിശോധനയ്ക്ക് ശേഷമായിരിക്കും ഇദ്ദേഹത്തെ ചോദ്യം ചെയ്യാൻ വിളിപ്പിക്കുകയെന്നാണ് ഏഷ്യാനെറ്റ് ന്യൂസ് റിപ്പോര്‍ട്ട്. കള്ളപ്പണം കവര്‍ച്ച ചെയ്ത സംഭവത്തിൽ ഇദ്ദേഹത്തിന് പങ്കുണ്ടോ എന്നും പോലീസ് പരിശോധിക്കുന്നുണ്ട്.
