സ്വകാര്യ കമ്പനികൾക്ക് വാക്സിൻ നിർമ്മിക്കാൻ അനുമതി നൽകിയിട്ടും വാക്സിൻ ലഭ്യമല്ല. വാക്സിൻ ലഭ്യതയ്ക്കായി സംസ്ഥാനം കേന്ദ്രത്തെ ആശ്രയിക്കുകയാണ്. അതേസമയം സ്വകാര്യ ആശുപത്രികൾക്ക് വാക്സിൻ ലഭിക്കുന്നുണ്ടെന്നും ഹർജിക്കാർ ചൂണ്ടിക്കാട്ടി. സർക്കാരിന് ലഭിക്കാത്ത വാക്സിൻ സ്വകാര്യ ആശുപത്രികൾക്ക് എങ്ങനെയാണ് ലഭിക്കുന്നതെന്ന് ഹൈക്കോടതി ചോദിച്ചു.
സ്വകാര്യ ലാബുകൾ കൊടുക്കുന്ന വില നൽകാൻ സംസ്ഥാനം തയ്യാറാണോയെന്ന് ഹൈക്കോടതി ചോദിച്ചു. പറ്റില്ലെന്നായിരുന്നു സർക്കാരിന്റെ മറുപടി. വാക്സിന്റെ കുത്തകാവകാശം സ്വകാര്യ ആശുപത്രികൾക്ക് നൽകരുതെന്നും കോടതി പറഞ്ഞു.
ജനങ്ങളുടെ പണം ഉപയോഗിച്ചാണ് വാക്സിൻ പരീക്ഷണം നടത്തിയതും കണ്ടുപിടിച്ചതും. വാക്സിൻ നിർമ്മിക്കാനുള്ള സാങ്കേതിക വിദ്യ ഇല്ലാത്തവർക്ക് നൽകണമെന്നും ഹർജിക്കാർ ആവശ്യപ്പെട്ടു. കേസിൽ മറുപടി നൽകാൻ കൂടുതൽ സമയം ചോദിച്ചെങ്കിലും ചൊവ്വാഴ്ചയ്ക്കകം മറുപടി നൽകണമെന്നാണ് കോടതി വ്യക്തമാക്കിയിരിക്കുന്നത്.
