തിരുവനന്തപുരം: വിഷയം ഉടൻ പരിഹരിക്കണമെന്നാവശ്യപ്പെട്ട് രാഷ്ട്രപതിക്ക് ഒരു ലക്ഷം മെയിൽ അയയ്ക്കാൻ കാമ്പെയിനുമായി ഡിവൈഎഫ്ഐ. മന്ത്രി പിഎ മുഹമ്മദ് റിയാസാണ് കാമ്പെയിൻ ഉദ്ഘാടനം ചെയ്തത്.
ലക്ഷദ്വീപിൽ കേന്ദ്രസർക്കാർ നടപ്പാക്കുന്നത് ജനാധിപത്യ വിരുദ്ധ നിലപാടാണെന്ന് മന്ത്രി പിഎ മുഹമ്മദ് റിയാസ് പറഞ്ഞു. പൗരന്റെ അവകാശങ്ങൾ ഹനിക്കുന്ന കേന്ദ്രസ‍ര്‍ക്കാര്‍ നിലപാടിനെതിരെ പ്രതിഷേധം ഉയ‍ര്‍ന്നുവരണമെന്നും അദ്ദേഹം പറഞ്ഞു.
ലക്ഷദ്വീപിൽ ജനാധിപത്യം പുനസ്ഥാപിക്കുക, ജനവിരുദ്ധ നയങ്ങൾ റദ്ദ് ചെയ്യുക, ജനാധിപത്യ വിരുദ്ധ നയങ്ങൾ നടപ്പാക്കിയ അഡ്മിനിസ്ട്രേറ്ററെ മടക്കി വിളിക്കുക. തുടങ്ങിയ കാര്യങ്ങളാണ് ആവശ്യപ്പെടുന്നത്.
അതേസമയം, ലക്ഷദ്വീപിനെ സംഘപരിവാ‍ര്‍ മറ്റൊരു വ‍ര്‍ഗ്ഗീയ പരീക്ഷണ ശാലയാക്കി മാറ്റുകയാണെന്ന് ഡിവൈഎഫ്ഐ സംസ്ഥാന സെക്രട്ടറി എഎ റഹിം പറഞ്ഞു. വ‍ര്‍ഗീയ ഉന്മൂലനം ലക്ഷ്യമിട്ട് അവിടുത്തുകാരെ കുടിയിറക്കാനാണ് ശ്രമിക്കുന്നതെന്നും അദ്ദേഹം ആരോപിച്ചു.
