തെലങ്കാനയിൽ പുറത്തിറങ്ങിയാൽ 
ഐസൊലേഷനിലാക്കും

ഹൈദരാബാദ്
തെലങ്കാനയിൽ അടച്ചിടൽ നിയന്ത്രണം ലംഘിക്കുന്നവരെ ഐസൊലേഷൻ കേന്ദ്രത്തിൽ കൊണ്ടുപോകുമെന്ന് പൊലീസ്. പെഡപ്പള്ളി ജില്ലയിലെ രാമഗുണ്ടത്താണ് പൊലീസിന്റെ കടുത്ത നടപടി. പിടികൂടുന്നവരെ കേന്ദ്രത്തിലെത്തിച്ച് ബോധവൽക്കരിച്ചശേഷം വിട്ടയക്കുമെന്ന് കമീഷണർ വി സത്യനാരായണൻ പറഞ്ഞു. കോവിഡ് ഐസൊലേഷൻ കേന്ദ്രങ്ങളിലല്ല എത്തിക്കുന്നത്. നിയന്ത്രണം ലംഘിച്ച നിരവധിപേരെ പൊലീസ് പിടികൂടി കൊണ്ടുപോകുന്ന ദൃശ്യങ്ങൾ പുറത്തുവന്നു. രാവിലെ ആറിനും പത്തിനും ഇടയിൽ അവശ്യകാര്യങ്ങൾക്ക് പുറത്തിറങ്ങാൻ അനുവാദമുണ്ട്.