മുംബൈ
ഐപിഎൽ ക്രിക്കറ്റ് മത്സരങ്ങൾ സെപ്തംബർ മൂന്നാം വാരത്തിൽ യുഎഇയിൽ പുനരാരംഭിക്കാൻ ആലോചന. നാല് നോക്കൗട്ട് റൗണ്ട് മത്സരങ്ങൾ അടക്കം 31 കളിയാണ് ബാക്കിയുള്ളത്. സെപ്തംബർ പതിനെട്ടിനോ പത്തൊമ്പതിനോ കളി തുടങ്ങാനാണ് തീരുമാനം. ഫൈനൽ ഒക്ടോബർ ഒമ്പതോ പത്തോ.
ഇന്ത്യയിൽ കോവിഡ് പടർന്നതിനെ തുടർന്ന് മെയ് നാലിനാണ് മത്സരങ്ങൾ നിർത്തിവെച്ചത്. കഴിഞ്ഞ സീസണിലും യുഎഇയിലാണ് ഐപിഎൽ നടന്നത്. ഇന്ത്യയും ഇംഗ്ലണ്ടും തമ്മിലുള്ള ടെസ്റ്റ് പരമ്പര സെപ്തംബർ പതിനാലിനാണ് അവസാനിക്കുന്നത്. പിറ്റേ ദിവസം ഐപിഎലിനുള്ള കളിക്കാരെ യുഎഇയിൽ എത്തിക്കാനാവും. 29 ന് ചേരുന്ന ബിസിസിഐ യോഗം ഇക്കാര്യത്തിൽ തീരുമാനമെടുക്കും.
