അതേസമയം, സംസ്ഥാനത്തെ രണ്ട് നദികളിലെ ജലനിരപ്പ് അപകടനിലയെക്കാള്‍ മുകളിലാണെന്നാണ് കേന്ദ്ര ജല കമ്മീഷൻ്റെ മുന്നറിയിപ്പ്. തിരുവനന്തപുരം ജില്ലയിൽ നെയ്യാറും കരുവന്നൂര്‍ പുഴയുമാണ് അപകടഭീഷണി സൃഷ്ടിക്കുന്നത്. തിരുവനന്തപുരം അരുവിപുരത്ത് നിലവിൽ നെയ്യാര്‍ നദി 95 മീറ്റര്‍ ഉയരത്തിലാണെന്നാണ് ബുധനാഴ്ച രാവിലെ ആറരയ്ക്ക് രേഖപ്പെടുത്തിയ കണക്ക്. ഇന്നലെ രാത്രി മുതൽ നദിയിൽ ജലനിരപ്പ് ഉയരുകയാണ്. കൂടാതെ ജലനിരപ്പ് 93 മീറ്ററിനു മുകളിൽ എത്തിയതോടെ കരുവന്നൂര്‍ നദിയിലും ജല കമ്മീഷൻ ജാഗ്രതാ നിര്‍ദേശം നല്‍കുകയായിരുന്നു.
Also Read:
അതേസമയം, ജില്ലയിൽ കനത്ത മഴ തുടരുന്ന സാഹചര്യത്തിൽ അരുവിക്കര ഡാമിൻ്റെ ഷട്ടറുകള്‍ 50 സെൻ്റിമീറ്റര്‍ വീതം ഉയര്‍ത്തുമെന്ന് ജില്ലാ കളക്ടര്‍ അറിയിച്ചു. നിലവിൽ 100 സെൻ്റിമീറ്റര്‍ ഷട്ടര്‍ ഉയര്‍ത്തിയിട്ടുണ്ടെന്നും കളക്ടറെ ഉദ്ധരിച്ച് സംസ്ഥാന ദുരന്ത നിവാരണ അതോരിറ്റി വ്യക്തമാക്കി.
Also Read:
ബംഗാള്‍ ഉള്‍ക്കടലിലെ ചുഴലിക്കാറ്റിൻ്റെ പശ്ചാത്തലത്തിൽ സംസ്ഥാനത്ത് വരും ദിവസങ്ങളിലും കനത്ത മഴ തുടരുമെന്നാണ് മുന്നറിയിപ്പ്. മെയ് 27 ചൊവ്വാഴ്ചയും തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്‍, പലക്കാട്, കോഴിക്കോട്, കണ്ണൂര്‍ ജില്ലകളിൽ യെല്ലോ അലേര്‍ട്ടുണ്ട്. എന്നാൽ മെയ് 28 വെള്ളിയാഴ്ച ഒരു ജില്ലയിലും യെല്ലോ അലേര്‍ട്ടില്ല. മെയ് 29, 30 തീയതികളിലും സംസ്ഥാനത്ത് 11 ജില്ലകളിൽ യെല്ലോ അലേര്‍ട്ട് പ്രഖ്യാപിച്ചിട്ടുണ്ട്.
