അതേസമയം, കെപിസിസി പുനസ്സംഘടനവരെ തുടരാന്‍ ശ്രീകണ്ഠനോട് നേതൃത്വം ആവശ്യപ്പെട്ടിട്ടുണ്ട്. എഐസിസി അധ്യക്ഷ സോണിയാ ഗാന്ധിയ്ക്കും കെപിസിസി പ്രസിഡന്റ് മുല്ലപ്പള്ളി രാമചന്ദ്രനും കത്തുനല്‍കിയതായി വി കെ ശ്രീകണ്ഠന് വാര്‍ത്താസമ്മേളനത്തില്‍ പറഞ്ഞു.
സംസ്ഥാനത്തെ എല്ലാ ഡിസിസികളും പുനസംഘടിപ്പിക്കാൻ എഐസിസിയുടെ തീരുമാനിച്ചതായും റിപ്പോര്‍ട്ടുണ്ട്. മുഴുവൻ ഡിസിസി അധ്യക്ഷന്മാരേയും മാറ്റും. യുവാക്കള്‍ക്ക് കൂടുതൽ പ്രാതിനിധ്യം കൊടുത്തുള്ള നേതൃനിരയെ കൊണ്ടുവരാനാണ് എഐസിസി ലക്ഷ്യമിടുന്നത്. ഇതോടെ കെപിസിസി അധ്യക്ഷൻ, യുഡിഎഫ് കൺവീനർ സ്ഥാനങ്ങളിലും പുതിയ ആളുകള്‍ വരും. ശ്രീകണ്ഠന് പുറമെ ചില ഡിസിസി പ്രസിഡന്റുമാര്‍ രാജിസന്നദ്ധത അറിയിച്ചിരുന്നുവെന്നാണ് ഏഷ്യാനെറ്റ് ഓൺലൈൻ റിപ്പോര്‍ട്ട് ചെയ്യുന്നു.
എപ്പോഴും ജനങ്ങളോടൊപ്പം നില്‍ക്കാനാണ് താല്‍പ്പര്യം. എംപി എന്ന നിലയില്‍ കൂടുതല്‍ ഉത്തരവാദിത്തങ്ങളുണ്ടെന്നും മുഴുവന്‍ സമയവും കോണ്‍ഗ്രസ്സിന്റെ പ്രവര്‍ത്തകനായിത്തന്നെ ഉണ്ടാവുമെന്നും ശ്രീകണ്ഠന് പറഞ്ഞു.
കോണ്‍ഗ്രസ്സിനേറ്റ ക്ഷീണത്തിലും വിജയങ്ങളിലും തനിക്ക് ഉത്തരവാദിത്തമുണ്ട്. പാര്‍ലമെന്റ് തിരഞ്ഞെടുപ്പ് കഴിഞ്ഞ ഉടന്‍തന്നെ ഡിസിസി അധ്യക്ഷസ്ഥാനമൊഴിയാന്‍ സന്നദ്ധത അറിയിച്ചിരുന്നു. ഇരട്ടപദവവി ഒഴിവാക്കാനാണ് പദവി ഒഴിയുന്നതെന്നും ശ്രീകണ്ഠന് പറഞ്ഞു.
പുനസ്സംഘടന വരുന്നത് വരെ തുടരണമെന്ന് രാജി സന്നദ്ധതി അറിയിച്ചപ്പോഴെല്ലാം പറഞ്ഞിരുന്നു. എന്നാല്‍ പല കാരണങ്ങളാല്‍ പുനസ്സംഘടന വൈകിയതുകൊണ്ടാണ് രാജി നീണ്ടുപോയതെന്നും ശ്രീകണ്ഠന് പറഞ്ഞു.
എന്നാല്‍, പാര്‍ലെമന്റ് തെരഞ്ഞെടുപ്പിനു പിന്നാലെ ഡിസിസി പ്രസിഡന്റ് സ്ഥാനത്തുനിന്ന് ശ്രീകണ്ഠന്റെ രാജി ആവശ്യപ്പെട്ട് ഡിസിസിയില്‍ കലാപം ശക്തമായിരുന്നു. തെരഞ്ഞെടുപ്പ് കാലത്ത് മുതിര്‍ന്ന നേതാക്കള്‍ എ വി ഗോപിനാഥ്, എ രാമസ്വാമി തുടങ്ങി പ്രമുഖര്‍ ശ്രീകണ്ഠനെതിരേ രംഗത്തെത്തിയിരുന്നു. തദ്ദേശത്തെരഞ്ഞെടുപ്പിലും പിന്നാലെ വന്ന നിയമ സഭാ തിരഞ്ഞെടുപ്പിലും പാലക്കാട് ജില്ലയില്‍ കോണ്‍ഗ്രസ്സിന് കനത്ത തിരിച്ചടി നേരിട്ടിരുന്നു.
