സംസ്ഥാനത്ത് പ്രതിദിന കൊവിഡ് 19 കേസുകളുടെ എണ്ണത്തിൽ കുറവു വന്ന സാഹചര്യത്തിൽ കൂടുതൽ ഇളവുകള്‍ പ്രഖ്യാപിക്കുന്ന കാര്യം സര്‍ക്കാര്‍ ആലോചിക്കുന്നുണ്ട്. എന്നാൽ മെയ് 30നു ശേഷം ലോക്ക് ഡൗൺ നീട്ടണോ എന്ന കാര്യത്തിൽ നിര്‍ണായകമായ തീരുമാനം ഇന്നത്തെ യോഗത്തിലുണ്ടാകും. ലോക്ക് ഡൗൺ ഇളവുകളുടെ ഭാഗമായി മദ്യശാലകള്‍ തുറക്കണമെന്ന് ബെവ്കോ ആവശ്യപ്പെട്ടിട്ടുണ്ട്. ഈ സാഹചര്യത്തിൽ ബെവ്ക്യൂ ആപ്പ് വഴിയുള്ള ടോക്കൺ സംവിധാനം വീണ്ടും കൊണ്ടുവരണമെന്ന എക്സൈസ് വകുപ്പിൻ്റെ ആവശ്യവും സര്‍ക്കാര്‍ പരിഗണിക്കും.
Also Read:
ലോക്ക് ഡൗൺ മൂലം കൊവിഡ് 19 വ്യാപനം കുറഞ്ഞെന്നും എന്നാൽ മരണസംഖ്യ ഏതാനും ദിവസം കൂടി ഉയര്‍ന്ന നിലയിൽ തുടരുമെന്നുമായിരുന്നു മുഖ്യമന്ത്രി പിണറായി വിജയൻ കഴിഞ്ഞ ദിവസം പറഞ്ഞത്. ലോക്ക് ഡൗൺ ഫലം ചെയ്തോ എന്ന് മെയ് മാസത്തിനു ശേഷം അറിയാമെന്നായിരുന്നു ആരോഗ്യമന്ത്രി വീണ ജോര്‍ജിൻ്റെ പ്രതികരണം.
Also Read:
നിലവിൽ സംസ്ഥാനത്ത് മലപ്പുറം ജില്ലയിൽ മാത്രം ട്രിപ്പിള്‍ ലോക്ക് ഡൗണും 13 ജില്ലകളിലും ലോക്ക് ഡൗണുമാണ് ഉള്ളത്. രോഗവ്യാപനം കുറഞ്ഞ സാഹചര്യത്തിൽ എറണാകുളം, തൃശൂര്‍, തിരുവനന്തപുരം ജില്ലകളിലെ ട്രിപ്പിള്‍ ലോക്ക് ഡൗൺ നീക്കുകയായിരുന്നു. ടിപിആര്‍ കുറയാത്ത സാഹചര്യത്തിൽ മലപ്പുറം ജില്ലയിൽ കര്‍ശന നിയന്ത്രണങ്ങളും പരിശോധനയും തുടരുകയാണ്.
