Also Read:
2017ൽ ഒന്നാം സര്‍ക്കാരിൻ്റെ സത്യപ്രതിജ്ഞയുടെ തലേന്നാണ് മുഖ്യമന്ത്രി മെയ് 24ന് തന്‍റെ പിറന്നാളാണെന്ന് തുറന്നു പറഞ്ഞത്. 1945 മെയ് 24നായിരുന്നു പിണറായി വിജയൻ്റെ ജനനം. മാർച്ച് 24നായിരുന്നു മുഖ്യമന്ത്രിയുടെ ജനനമെന്നായിരുന്നു മുൻപ് കരുതിയിരുന്നത്. രണ്ട് പ്രളയങ്ങളും കൊവിഡ് 19 മഹാമാരിയും ഉള്‍പ്പെടെയുള്ള പ്രതിസന്ധികള്‍ക്ക് ശേഷവും 99 പേരുടെ അംഗബലവുമായി തുടര്‍ഭരണം യാഥാര്‍ഥ്യമാക്കിയെന്നത് മുഖ്യമന്ത്രിയ്ക്ക് വലിയ നേട്ടമാണ്. 76-ാം പിറന്നാള്‍ ദിനത്തിൽ നിയമസഭയിലെത്തുമ്പോള്‍ മന്ത്രിസഭയിൽ മുഖ്യമന്ത്രിയ്ക്കൊപ്പമുള്ള 21 മന്ത്രിമാരിൽ 17 പേരും പുതുമുഖങ്ങളാണ്.
Also Read:
രാജ്യത്തെ ഒരേയൊരു ഇടതുപക്ഷ മുഖ്യമന്ത്രിയെന്ന നിലയിൽ ദേശീയതലത്തിലും പിണറായി വിജയൻ ശ്രദ്ധാകേന്ദ്രമാണ്. ജനങ്ങൾ മികച്ച തുടർഭരണം സമ്മാനിച്ചതിൻ്റെ ആത്മവിശ്വാസമുണ്ടെങ്കിലും കൊവിഡ് 19 സൃഷ്ടിക്കുന്ന കടുത്ത സാമ്പത്തിക ഞെരുക്കത്തിൻ്റെ കാലത്ത് സംസ്ഥാനത്തെ മുന്നോട്ടു കൊണ്ടുപോകകയെന്നതാണ് അടുത്ത ദൗത്യം. മന്ത്രിസഭയിൽ താനൊഴികെയുള്ള എല്ലാ മന്ത്രിമാരും മാറിയെങ്കിലും ആഭ്യന്തര വകുപ്പും ഐടി വകുപ്പും മുഖ്യമന്ത്രി തന്നെയാണ് കൈകാര്യം ചെയ്യേണ്ടി വരിക. കൂടാതെ ന്യൂനപക്ഷ ക്ഷേമം, പ്രവാസികാര്യം എന്നീ വകുപ്പുകള്‍ കൂടി മുഖ്യമന്ത്രി ഏറ്റെടുത്തിട്ടുമുണ്ട്.
