ഇത്തവണ നിയമസഭയിലെ 140 അംഗങ്ങളിൽ 99 പേരും ഭരണപക്ഷത്താണ്. മന്ത്രിമാരായി സത്യപ്രതിജ്ഞ ചെയ്ത 21 പേരിൽ 17 പേരും പുതുമുഖങ്ങളാണ്. മൊത്തം 53 അംഗങ്ങളാണ് ആദ്യമായി നിയമസഭിയലെത്തുന്നത്. രാവിലെ ഒൻപതു മണിയ്ക്കാണ് ചടങ്ങുകള്‍ തുടങ്ങുന്നത്. പ്രോ ടെം സ്പീക്കര്‍ പിടിഎ റഹീമിനു മുൻപാകെയാണ് അംഗങ്ങള്‍ സത്യപ്രതിജ്ഞ ചെയ്യുന്നത്.
Also Read:
ഏറ്റവുമധികം പാര്‍ട്ടികളുള്ള സഭയെന്ന പ്രത്യേകതയും ഇത്തവണത്തെ കേരള നിയമസഭയ്ക്കുണ്ട്. ഇന്ത്യയിൽ തന്നെ ഇത്രയധികം പാര്‍ട്ടികള്‍ക്ക് പ്രാതിനിധ്യമുള്ള മറ്റൊരു സഭയില്ലെന്നാണ് മനോരമ റിപ്പോര്‍ട്ട്. ഭരണപക്ഷത്തും പ്രതിപക്ഷത്തുാമയി മൊത്തം 18 പാര്‍ട്ടികളുണ്ട്. തൊട്ടുപിന്നിലുള്ള മഹാരാഷ്ട്രയിൽ 14 പാര്‍ട്ടികും ബിഹാറിൽ 10 പാര്‍ട്ടികളുമാണുള്ളത്.
സത്യപ്രതിജ്ഞയ്ക്ക് ശേഷം നാളെയായിരിക്കും സ്പീക്കറായി എംബി രാജേഷിനെ തെരഞ്ഞെടുക്കുന്നത്. രണ്ട് തവണ ലോക്സഭാംഗമായ എംബി രാജേഷ് നിയമസഭയിലെ കന്നി അങ്കത്തിൽ തന്നെ സ്പീക്കറാകുന്നുവെന്ന പ്രത്യേകതയുമുണ്ട്.
Also Read:
കൊവിഡ് സാഹചര്യത്തിൽ പ്രത്യേക പ്രോട്ടോകോള്‍ പാലിച്ചായിരിക്കും നിയമസഭാ സമ്മേളനം നടക്കുന്നത്. ഇരിപ്പിടങ്ങള്‍ തമ്മിൽ അകലമുണ്ടാകും. രാവിലെ ഏഴുമണി മുതൽ ആൻ്റിജൻ പരിശോധന നടത്തി കൊവിഡ് നെഗറ്റീവാണെന്ന് ഉറപ്പു വരുത്തിയ ശേഷമാണ് അംഗങ്ങളെ ഉള്ളിൽ പ്രവേശിപ്പിക്കുക. എന്നാൽ രണ്ട് ഡോസ് വാക്സിനും സ്വീകരിച്ചവര്‍ക്ക് പരിശോധന ഉണ്ടാകില്ല. ഇരിപ്പിടങ്ങളും ഹാളം അണുവിമുക്തമാക്കിയിട്ടുണ്ട്.
