പിണറായിയെ ഉളിയെറിഞ്ഞ പെരുന്തച്ചനോട് ഉപമിച്ച് പി സി ജോര്‍ജ്

രണ്ടാം പിണറായി വിജയൻ സര്‍ക്കാരിലെ മന്ത്രിമാരെ പ്രഖ്യാപിച്ചതിന് പിന്നാലെ കടുത്ത വിമര്‍ശനങ്ങളാണ് ഏറ്റുവാങ്ങുന്നത്. ഇതിനിടെ പെരുന്തച്ചന്‍ എന്ന സിനിമയിലെ തിലകന്റെ ചിത്രം പങ്കുവച്ച് പി സി ജോര്‍ജ്. ചിത്രത്തിനൊപ്പം “ഉളിയെറിഞ്ഞ് പെരുന്തച്ചൻ…“ എന്ന അടിക്കുറിപ്പും ജോര്‍ജ്ജ് നൽകിയിട്ടുണ്ട്.

Also Read :

പുതിയ മന്ത്രിസഭയിൽ ആരോഗ്യമന്ത്രി കെ കെ ശൈലജയെ ഒഴിവാക്കിയതിനെ തുടര്‍ന്ന് വിവിധ കോണുകളില്‍ നിന്നായി കടുത്ത വിമര്‍ശനമാണ് ഉയരുന്നത്. ഇതിനെ അനുകൂലിച്ചും പ്രതികൂലിച്ചു നിരവധിയാളുകളാണ് സമൂഹമാധ്യമങ്ങളില്‍ പോസ്റ്റുകള്‍ ചെയ്തിരിക്കുന്നത്. ഈ സമയത്താണ് ജോര്‍ജിന്റെ പോസ്റ്റും വന്നിരിക്കുന്നത്.

മകൻ തന്നെക്കാൾ പ്രശസ്തി നേടുന്നതിൽ അസൂയപൂണ്ട് ഉളിയെറിഞ്ഞ് മകനെ കൊന്ന പെരുന്തച്ചനെ ഓർമ്മിപ്പിക്കുന്നതായിരുന്നു പി സിയുടെ പോസ്റ്റ്. പിന്നീട് അസൂയ്യയുടെ ഭാഗമായി ഇത് പലപ്പോഴും പ്രയോഗങ്ങളായി ഉപയോഗിക്കാറുണ്ട്.

Also Read :

സിനിമാരംഗത്തുള്ള പല പ്രമുഖരും സമൂഹമാധ്യമങ്ങളില്‍ കെ കെ ശൈലജയെ അനുകൂലിച്ച് പോസ്റ്റുകൾ ഇട്ടിരുന്നു. നടിയും സംവിധായകയുമായ ഗീതു മോഹന്‍ദാസ് ഗൗരിയമ്മയും ശൈലജ ടീച്ചറും തമ്മിലുള്ള ചിത്രം പങ്കുവച്ചിരുന്നു. പിന്നാലെ പാര്‍വ്വതി അടക്കമുള്ള താരങ്ങളും ശൈലജ ടീച്ചറിനായി രംഗത്തുവന്നിട്ടുണ്ട്.