ടൂറിൻ
ചാമ്പ്യൻമാരായ ഇന്റർ മിലാനെ ആവേശകരമായ മത്സരത്തിൽ 3‐2ന് മറികടന്ന യുവന്റസ് ചാമ്പ്യൻസ് ലീഗ് പ്രതീക്ഷ നിലനിർത്തി. ഇറ്റാലിയൻ ലീഗിലെ നിർണായക മത്സരത്തിൽ ഇരട്ടഗോൾ നേടിയ യുവാൻ കൊദ്രാദോയാണ് യുവന്റസിനെ പോയിന്റ് പട്ടികയിൽ അഞ്ചാമതെത്തിച്ചത്. ഒരു ഗോൾ ക്രിസ്റ്റ്യാനോ റൊണാൾഡോ നേടി.
മുപ്പത്തേഴു കളിയിൽ 75 പോയിന്റുമായി അഞ്ചാമതാണ് യുവന്റസ്. കൊദ്രാദോ 88–-ാംമിനിറ്റിൽ നേടിയ പെനൽറ്റി ഗോളിലായിരുന്നു യുവന്റസിന്റെ ജയം.
