കൊച്ചി: മുന്‍ ഡെപ്യൂട്ടി സ്പീക്കറും ലീഗ് നേതാവുമായ കെഎം (84) അന്തരിച്ചു. മുതിർന്ന ലീഗ് നേതാവായിരുന്ന ഇദ്ദേഹം കൊച്ചി മുൻ മേയറുമാണ്. ഏഴാം നിയമസസഭയിലായിരുന്നു ഹംസക്കുഞ്ഞ് ഡെപ്യൂട്ടി സ്പീക്കറായത്. മട്ടാഞ്ചേരിയെ പ്രതിനിധീകരിച്ചാണ് നിയമസഭയിലെത്തിയത്.
ഹൃദയാഘാതത്തെ തുടർന്ന് എസ്ആർഎം റോഡിലെ വസതിയിൽ രാത്രി ഒമ്പതരയോടെയായിരുന്നു അന്ത്യം. സംസ്കാരം വെള്ളിയാഴ്ച ഉച്ചയ്ക്ക് 12ന് തോട്ടത്തുംപടി പള്ളിയിൽ നടക്കും.
Also Read :
തൊഴിലാളി യൂണിയനുകളിലൂടെ പൊതുപ്രവര്‍ത്തനം തുടങ്ങിയ ഹംസക്കുഞ്ഞ് പിന്നീട് നേതൃനിരയിലേക്ക് ഉയർന്ന് വരികയായിരുന്നു. എറണാകുളം മുൻസിപ്പൽ കൗൺസിൽ അംഗം, പിന്നീട് കൊച്ചി കോർപ്പറേഷൻ കൗൺസിൽ അംഗവും മേയറുമായി.
മുസ്ലീം ലീഗിന്‍റെ എറണാകുളം ജില്ലാ സെക്രട്ടറിയായി പ്രവർത്തിട്ടിട്ടുണ്ട്. ഭാര്യ: നബീസ. ഒരു മകനും മകളുമുണ്ട്.
ഹംസക്കുഞ്ഞിന്‍റെ നിര്യാണത്തിൽ മുൻ മന്ത്രിയും ലീഗ് നേതാവുമായ വികെ ഇബ്രാഹിംകുഞ്ഞ് അനുശോചിച്ചു. ‘മുൻ ഡെപ്യൂട്ടി സ്പീക്കറും, കൊച്ചി കോർപറേഷൻ മേയറും മുസ്ലിം ലീഗ് നേതാവുമായിരുന്ന കെ.എം ഹംസക്കുഞ്ഞ് മരണപ്പെട്ടു, ആദരാഞ്ജലികൾ’ ഇബ്രാഹിംകുകുഞ്ഞ് ഫേസ്ബുക്കിൽ കുറിച്ചു.
