അതെ സമയം കൊറോണ കാലത്തെ പ്രശ്നങ്ങളെപ്പറ്റി ജനങ്ങളെ ബോധവാന്മാരാക്കാൻ സംസ്ഥാന പൊലീസ് മീഡിയാ സെൻ്റർ തയ്യാറാക്കിയ വീഡിയോ ഇപ്പോൾ ശ്രദ്ധ പിടിച്ചുപറ്റുകയാണ്. സംഗീതസംവിധായകൻ സന്തോഷ് നാരായണൻ നിർമിച്ച് ധീയും അറിവും ചേർന്നാലപിച്ച റാപ് മ്യൂസിക് വിഡിയോ ‘എൻജോയ് എൻജാമി’ അനുകരിച്ചാണ്‌ കേരള പോലീസിന്റെ ബോധവത്കരണ വീഡിയോ തയ്യറാക്കിയിരിക്കുന്നത്. ഈരടികൾ മലയാളത്തിലേക്ക് മാറ്റിയാണ് ബോധവത്കരണ വീഡിയോ തയ്യാറാക്കിയിരിക്കുന്നത്.
“മഹാമാരിയെ ഒത്തൊരുമിച്ചു നേരിടാം. കേരള പോലീസ് എപ്പോഴും നിങ്ങളോടൊപ്പം,” എന്ന കുറിപ്പോടെ പൊലീസ് മീഡിയ സെന്റർ പോസ്റ്റ് ചെയ്തിട്ടുള്ള വീഡിയോയിലെ ഈരടികൾ ഇങ്ങനെ…
കുക്കൂ, കുക്കൂ! കോവിഡ് ടൈമിൽ ശ്രദ്ധയ്ക്ക്വയ്ക്കൂ വയ്ക്കൂ, മാസ്കും നന്നായി വകവയ്ക്കൂനോക്കൂ നോക്കൂ, എണ്ണം കൂടിയ ദിനമെന്നും നോക്കാം ഇനി, നല്ലൊരു ശീലം എല്ലാരുംഅകലം പാലിച്ചു നിന്നീടണേ, തട്ടാതെ മുറ്റത്തെ നോക്കീടണെഎവിടെ പോയീടും നേരത്തും, ഹാൻഡ് സാനിറ്റൈസർ കരുതീടണെ ചുരുക്കി പറഞ്ഞാൽ കാലം കെട്ട കെടപ്പാ കാലൊന്നു തെറ്റിയാൽ, കാലന്റെ അങ്ങടുത്താപുറത്ത്പോകുമ്പോ ലോകം കട്ടകലിപ്പാപോലിസിനെ പേടിച്ചും നാട്ടുകാരെ പേടിച്ചും മാസ്ക് വയ്ക്കുന്ന ശീലമൊക്കെ മാറ്റിക്കോ…
പൊലീസ് മീഡിയ സെന്റർ ഡെപ്യൂട്ടി ഡയരക്ടർ വിപി പ്രമോദ് കുമാറാണ് വീഡിയോ സംവിധാനം ചെയ്തത്. ആദിത്യ എസ് നായർ, രജീഷ് ലാൽ വംശ എന്നിവർ എഴുതിയ വരികൾ നഹൂം എബ്രഹാം, നിള ജോസഫ് എന്നിവരാണ് പാടിയത്. ഹേമന്ദ് ആർ നായർ, ഷിഫിൻ സി രാജ്, രാജീവ് സിപി എന്നിവരാണ് കാമറ. പോലീസ് ഉദ്യോഗസ്ഥർ തന്നെയാണ് വിഡിയോയിൽ നൃത്തം ചെയ്യുന്നതും.
