നീല നിറത്തിലുള്ള ലോഗോയുള്ള ലോകത്തിലെ ഏക മക്ഡൊണാൾഡ്‌സ് കട ഇവിടെയാണ്

ഫാസ്റ്റ്ഫുഡ് ലോകത്തെ അതികായന്മാരാണ് മക്ഡൊണാൾഡ്‌സ്. ബർഗറുകൾ വിൽക്കുന്ന കടകൾ ധാരാളമുണ്ടെങ്കിലും മക്ഡൊണാൾഡ്‌സിലെ അത്രയും രുചികരമായ ബർഗർ മറ്റൊരിടത്തും കിട്ടില്ല എന്ന് അഭിപ്രായമുള്ളവരാണ് പലരും. എന്ന് കേൾക്കുമ്പോൾ തന്നെ ഒരു പക്ഷെ പലരും ഓർക്കുക റൊണാൾഡ്‌ മക്‌ഡൊണാൾഡ് എന്ന കഥാപാത്രം ആണ്. മക്ഡൊണാൾഡ്‌സ് കടകളിലെ കസേരയിൽ സ്ഥാപിച്ചിരിക്കുന്ന ഈ പ്രതിമയോടൊപ്പം സെൽഫികൾ എടുത്തവരാണ് നമ്മളിൽ പലരും. അതോടൊപ്പം തന്നെ പ്രശസ്തമാണ് മക്ഡൊണാൾഡ്സിൻ്റെ പ്രശസ്തമായ മഞ്ഞ നിറത്തിലുള്ള M ലോഗോ. മക്ഡൊണാൾഡ്‌സ് കടകളുടെ തിലകക്കുറിയാണ് ഈ M ലോഗോ.

പക്ഷെ ലോകത്ത് ഒരിടത്ത് മാത്രമേ ഈ M ലോഗോ നീല നിറത്തിലുള്ളൂ (കൃത്യമായി പറഞ്ഞാൽ ടോർക്വിസ് ബ്ലൂ) നിറത്തിലുള്ളൂ. അമേരിക്കയിലെ അരിസോണയിലുള്ള സെഡോണയിലെ മക്ഡൊണാൾഡ്‌സ് കടയിലെ M ലോഗോയ്ക്ക് മുഴുവൻ ഇളം നീല നിറമാണ്. ലോകത്തിലെ ബാക്കി എല്ലാ മക്ഡൊണാൾഡ്‌സ് ഔട്ട്ലെറ്റുകളിലെയും M ലോഗോയ്ക്ക് മഞ്ഞ നിറമാണ് എങ്കിലും ഇവിടം മാത്രം നീല നിറം.

എന്താണ് കാരണം എന്നല്ലേ? സെഡോണ നഗരത്തിന്റെ കൗൺസിലർമാരുടെയും അധികൃതരുടെയും അഭിപ്രായത്തിൽ മഞ്ഞ നിറത്തിലുള്ള M ലോഗോ നഗരത്തിന്റെ സ്വാഭാവിക ഭംഗിയുമായി ഒത്തു പോകുന്നതല്ല. സെഡോണ നഗരത്തിന്റെ ഭംഗിയിൽ മഞ്ഞ നിറത്തിലുള്ള M ലോഗോ തീരെ യോജിക്കുന്നില്ല എന്ന അഭിപ്രായം ഭൂരിപക്ഷം പേരും പ്രകടിപ്പിച്ചതോടെയാണ് നിറം മാറ്റാൻ തീരുമാനിച്ചത്. 1993 മുതൽ പ്രവർത്തിക്കുന്നതാണ് സെഡോണയിലെ മക്ഡൊണാൾഡ്‌സ് ഔട്ട്ലെറ്റ്. അടുത്തിടെയാണ് ലോഗോയുടെ നിറം മാറ്റിയത്. ഇതോടെ താരപരിവേഷമാണ് ഇപ്പോൾ സെഡോണയിലെ മക്ഡൊണാൾഡ്‌സ് ഔട്ട്ലെറ്റിന്.

ധാരാളം പേരാണ് ലോകത്തിലെ ഏക നീല ലോഗോയുള്ള മക്ഡൊണാൾഡ്‌സ് ഔട്ട്ലെറ്റ് കാണാൻ ദിവസവും എത്തുന്നത്. ഇൻസ്റ്റാഗ്രാം ഇൻഫ്ളുവൻസർമാരും, സെലിബ്രിറ്റികളുമെല്ലാം സെഡോണയിലെ മക്ഡൊണാൾഡ്‌സ് കട ഇതിനകം സന്ദർശിച്ചു കഴിഞ്ഞു. ധാരാളം പേർ കടയിൽ എത്തുന്നുണെങ്കിലും വില്പനയിൽ വൻ മുന്നേറ്റം നേടാനായിട്ടില്ല എന്നാണ് എന്നാണ് ജീവക്കാർ പറയുന്നത്. പലരും കടയുടെ മുൻപിൽ വന്നു സെൽഫികളെടുത്ത ശേഷം സ്ഥലം വിടുകയാണ് ചെയ്യുന്നതത്രെ.