35 വർഷമായി ശുചീകരണ തൊഴിലാളി ആയ ഒരു സ്ത്രീയുടെ കത്താണ് ഇപ്പോൾ സമൂഹ മാധ്യമങ്ങളിൽ ശ്രദ്ധ നേടുന്നത്. ഒടുവിൽ ജോലി ചെയ്തത് എച്എസ്ബിസി ബാങ്കിന്റെ ശാഖയിൽ ശുചീകരണ തൊഴിലാളിയായി. പക്ഷെ പേര് വെളുപ്പെടുത്താത്ത ഈ തൊഴിലാളിയുടെ ബോസ് ഒരു ക്രൂരനായ മേലധികാരിയാണ്. ഏതായാലും താൻ ജോലിയിൽ നിന്നും വിരമിക്കുന്ന ദിവസം ബോസ്സിനൊരു മാസ്സ് കത്തെഴുതിയാണ് കക്ഷി ഇത്രയും കാലത്തെ ദേഷ്യം തീർത്തത്.
“അടുത്തതായി എന്റെ തൊഴിൽ ചെയ്യാൻ വരുന്ന വ്യക്തിക്ക് ആവശ്യമുള്ള എല്ലാ ശുചീകരണ സാമഗ്രികളും ഞാൻ വാങ്ങി വച്ചിട്ടുണ്ട്. ——- (ബോസ്സിന്റെ പേര്) വ്യക്തി സ്ഥിരമായി എന്നെ ചവിട്ടി താഴ്ത്താൻ ശ്രമിക്കുന്നതുകൊണ്ടാണ് ഞാൻ ഈ ജോലി ഉപേക്ഷിക്കുന്നത്. നികൃഷ്ടവും, ആക്ഷേപവും നിറഞ്ഞ രീതിയിലാണ് നിങ്ങൾ എന്നോട് പെരുമാറിയത്. അത് പക്ഷെ നിങ്ങൾ എങ്ങനെയുള്ള വ്യക്തിയാണ് എന്ന് വെളിപ്പെടുത്തുന്നു. അത് പോട്ടെ, മുൻപോട്ട് ജീവിതത്തിൽ നിങ്ങൾക്ക് എന്തും ആകാനുള്ള സ്വാതന്ത്രമുണ്ട്. അല്പം കരുണയുള്ളവൻ ആവാൻ ശ്രമിക്കുക, കാരണം ഒരു ശുചീകരണ തൊഴിലാളിയെക്കാൾ ഒട്ടും വലിയവനല്ല നിങ്ങൾ”, എന്നാണ് സ്വന്തം കൈപ്പടയിൽ എഴുതിയ കത്ത്.
ശുചീകരണ തൊഴിലാളിയായ സ്ത്രീ ഈ കത്ത് ബാങ്കിന്റെ ഗെയ്റ്റിൽ പതിപ്പിക്കുകയിരുന്നു. അതെ സമയം അവരുടെ മകൻ ഈ കത്തിന്റെ ചിത്രം സമൂഹ മാധ്യമങ്ങളിൽ പോസ്റ്റ് ചെയ്തതോടെ സംഭവം വൈറൽ ആയി. ചിത്രത്തോടൊപ്പം മകൻ കുറിച്ച വാക്കുകൾ കയ്യടി നേടുന്നുണ്ട്. ” ഇതുകൊണ്ടാണ് അമ്മയെ എനിക്കേറെ ഇഷ്ടം. 35 വർഷമായി ശുചീകരണ തൊഴിലാളിയായ അമ്മ ഇവിടെ നിന്നും ഇറങ്ങുമ്പോൾ ക്രൂരനായ മേലധികാരിക്ക് കൊടുക്കേണ്ടത് കൊടുത്തു. സന്തോഷം നിറഞ്ഞതാവട്ടെ അമ്മയുടെ വിശ്രമജീവിതം”.
ബോസ്സുമാർ സൂക്ഷിക്കുക. നിങ്ങളുടെ തൊഴിലാളികളിലെ ശരിയായ വിധത്തിൽ ശ്രദ്ധിച്ചില്ല എങ്കിലും ഇത്തരത്തിലുള്ള പണികൾ പ്രതീക്ഷിക്കാം.
