‘കിക്കാവാൻ’ മദ്യം തന്നെ വേണോ? കുറച്ച് പഴകിയ മാംസം മതിയെന്ന് ചിലർ

തികച്ചും വിചിത്രമായ കാര്യങ്ങളിൽ ഏർപ്പെടുന്ന ആളുകൾക്ക് ഈ ലോകത്ത് ഒരു ക്ഷാമവുമില്ല. ചിലർ ഒന്നുറപ്പിച്ചാൽ പിന്നെ അത് എങ്ങനെയും സാധിച്ചെടുത്തിട്ടേ വേറെ ഒരു കാര്യം ഉള്ളൂ എന്ന് തീരുമാനിക്കും. മദ്യപിക്കുന്നവരിൽ ചിലർ അങ്ങനെയാണ്. ഇന്ന് അല്പം പൂസാവണം എന്ന് ഉറപ്പിച്ചിട്ടുണ്ടെങ്കിൽ എങ്ങിനെയും അവർ ലക്‌ഷ്യം നേടും. പക്ഷെ മദ്യം കിട്ടുന്നില്ല എങ്കിലോ? അല്പം പഴകിയ മാസം കഴിക്കാം എന്നാണ് സൈബർ ലോകത്തെ ചില കിറുക്കന്മാരുടെ കണ്ടുപിടുത്തം.

മദ്യവും മയക്കുമരുന്നും നൽകുന്ന അതെ കിക്ക്‌ ചീഞ്ഞ മാംസം കഴിക്കുമ്പോഴും ലഭിക്കുമെന്നാണ് 2017ൽ, ‘sv3ige’ എന്ന യൂട്യൂബർ ഒരു വീഡിയോ പോസ്റ്റ് ചെയ്തത്. ഇതേ തുടർന്ന് പലരും ചീഞ്ഞ മാംസം കഴിഞ്ഞു പൂസാവാൻ ശ്രമിച്ചു. ചിലർക്ക് മദ്യപിച്ചതുപോലുള്ള ലഹരി അനുഭവപെട്ടു എന്ന് സാക്ഷ്യപ്പെടുത്തിയപ്പോൾ ചിലർ ഇത് വെറും ഉടായിപ്പാണ്‌ എന്നാണ് പറഞ്ഞത്.

അടുത്തിടെ, ഒരു ട്വിറ്റർ ഉപയോക്താവ് യഥാർത്ഥത്തിൽ ചീഞ്ഞ മാംസം കഴിച്ച തന്റെ അനുഭവം പങ്കിട്ടു. ഒപ്പം സ്ക്രീൻഷോട്ടും ചീഞ്ഞ ഭക്ഷണ ഇനത്തിന്റെ ഫോട്ടോയും പോസ്റ്റ് ചെയ്തു. തനിക്ക് ലഹരി പിടിച്ചതുപോലെ ഒന്നും തോന്നിയില്ല എങ്കിലും കഴിക്കാൻ നല്ല രുചികരമായിരുന്നു എന്നാണ് ഇദ്ദേഹത്തിന്റെ വാദം.

അതെ സമയം ഭക്ഷണരംഗത്തെ പ്രമുഖരുടെ അഭിപ്രായത്തിൽ ഉണക്കി സൂക്ഷിക്കുന്ന മാംസം പോലെയല്ല പഴകിയ മാംസം കഴിക്കുന്നത്. ദോഷകരമായ ബാക്ടീരിയകൾ ശരീത്തിൽ കടക്കാൻ പഴകിയ മാംസം കഴിക്കുന്നത് ഇടയാക്കും. മാത്രമല്ല കഠിനമായ ഭക്ഷ്യവിഷബാധയുണ്ടാക്കാനും നിങ്ങളെ ആശുപത്രിയിൽ എത്തിക്കാനും അവ പര്യാപ്തമാണ്.

മുന്നറിയിപ്പ്: സമൂഹമാധ്യമങ്ങളിൽ പലരും പല അവകാശവാദങ്ങളും നടത്തും. ശാസ്ത്രീയമായി തെളിയിക്കാത്ത ഒന്നും പരീക്ഷിച്ച് നിങ്ങളുടെ ജീവൻ അപകടത്തിലാവാതെ നോക്കുക.