ഫീസ് നിരക്ക് രോഗികളിൽ നിന്നും മറച്ചുവെച്ചതിനും അമിത ഫീസ് ഈടാക്കിയതിനുമാണ് കേസ്. ആശുപത്രിക്കെതിരെ അന്വേഷണം നടത്താൻ ഹൈക്കോടതി നിർദ്ദേശിച്ചിരുന്നു.
കൊവിഡ് ചികിത്സയുമായി ബന്ധപ്പെട്ട് അൻവർ ആശുപത്രിക്കെതിരെ പത്തോളം പരാതികൾ ലഭിച്ചിരുന്നു. പ്രാഥമിക പരിശോധനയിൽ പരാതിയിൽ കഴമ്പുണ്ടെന്ന് വ്യക്തമായതിനെത്തുടർന്നാണ് പോലീസ് അന്വേഷണം ആരംഭിച്ചത്.
ആരോഗ്യ വകുപ്പ് നടത്തുന്ന അന്വേഷണത്തിന് രണ്ട് എഡിഎംഒമാരെയാണ് നിയോഗിച്ചിരിക്കുന്നത്. പരിശോധന നടത്തി റിപ്പോർട്ട് സമർപ്പിക്കാനാണ് കളക്ടർ നൽകിയിരിക്കുന്ന നിർദ്ദേശം.
അതേസമയം കൊവിഡ് ചികിത്സയ്ക്കായി സ്വകാര്യ ആശുപത്രികൾ രോഗികളിൽ നിന്നും കൊള്ള തുടരുകയാണ്. പിപിഇ കിറ്റിനായി പതിനായിരങ്ങളാണ് രോഗികളിൽ നിന്നും ഈടാക്കുന്നത്. അഞ്ച് ദിവസത്തെ പിപിഇ കിറ്റിനായി 37,350 രൂപയാണ് ഈടാക്കിയത്. നിരവധിപ്പേരിൽ നിന്നാണ് ഇത്തരത്തിൽ ചാർജ് ചെയ്തത്. ഇതേത്തുടർന്നാണ് നടപടി.
