Most Test wickets for India: മികച്ച ഇന്ത്യൻ ടെസ്റ്റ് ബൗളർമാർ; രണ്ടാമൻ അശ്വിൻ, സുപ്രധാന നേട്ടത്തിലേക്ക് ജഡേജ

ടെസ്റ്റ് ക്രിക്കറ്റിൽ 92 വർഷം നീണ്ട യാത്രയിലുടനീളം നിരവധി മികച്ച താരങ്ങളെ സൃഷ്ടിക്കാൻ ഇന്ത്യൻ ടീമിനായി. ആദ്യകാല താരങ്ങളായ വിനു മങ്കാഡ്, ബിഷൻ സിംഗ് ബേദി, കപിൽ ദേവ് എന്നിവർ മുതൽ അനിൽ കുംബ്ലെ, ആർ. അശ്വിൻ, സഹീർ ഖാൻ എന്നിവരുടെ ആധുനിക യുഗം വരെ ബൗളർമാർ അവരുടെ ടെസ്റ്റ് കരിയറിൽ ശ്രദ്ധേയമായ നേട്ടമുണ്ടാക്കി. ഇന്ത്യയുടെ നിലവിലെ പേസ് ആക്രമണം അവർ സൃഷ്ടിച്ചതിൽ ഏറ്റവും മികച്ചതെന്നുതന്നെ പറയാം.

കപിൽ ദേവ് ഇപ്പോഴും 434 വിക്കറ്റുകളുമായി സീമർമാരുടെ പട്ടികയിൽ മുന്നിലാണ്. വിരമിച്ച് 16 വർഷത്തിന് ശേഷവും ഇന്ത്യക്കായി ഏറ്റവും കൂടുതൽ ടെസ്റ്റ് വിക്കറ്റുകൾ എന്ന റെക്കോർഡ് ഇതിഹാസ താരം അനിൽ കുംബ്ലെയുടെ പേരിലാണ്. 132 ടെസ്റ്റ് മത്സരങ്ങളിൽ 619 വിക്കറ്റുകളാണ് താരം നേടിയത്. ടെസ്റ്റ് ക്രിക്കറ്റിലെ എക്കാലത്തെയും ഉയർന്ന നാലാമത്തെ വിക്കറ്റ് നേട്ടമാണിത്.

ബംഗ്ലാദേശിനെതിരെ അടുത്തിടെ ചെന്നൈയിൽ നടന്ന ഒന്നാം ടെസ്റ്റിലുൾപ്പെടെ മികച്ച പ്രകടനം കാഴ്ചവച്ച ഇന്ത്യയുടെ സ്പിൻ മാന്ത്രികൻ ആർ. അശ്വിൻ, വിക്കറ്റു വേട്ടയിൽ കുംബ്ലെയ്ക്ക് വെല്ലുവിളി സൃഷ്ടിച്ച് തൊട്ടുപിന്നിലാണ്. 101 മത്സരങ്ങളിൽ നിന്ന് 522 വിക്കറ്റ് തികച്ച അശ്വിൻ വിക്കറ്റു വേട്ടയിൽ രണ്ടാം സ്ഥാനത്താണ്. ഇടംകൈയ്യൻ സ്പിന്നർ രവീന്ദ്ര ജഡേജയും ബൗളിങ്ങിൽ സുപ്രധാന നേട്ടത്തിനരികിലാണ്. ടെസ്റ്റ് ക്രിക്കറ്റിൽ 300 വിക്കറ്റ് എന്ന നേട്ടത്തിനു 1 വിക്കറ്റ് അകലെയാണ് ജഡേജ.

കൂടുതൽ ടെസ്റ്റ് വിക്കറ്റ് നേടിയ ഇന്ത്യൻ താരങ്ങൾ